جنوبی افریقی ویمنز ٹیم نے پاکستان کو سیریز کے تیسرے ٹی20 میچ میں شکست دیکر سیریز 2-1 سے اپنے نام کرلی۔ تیسرے میچ میں جنوبی افریقہ نے پاکستان کو 8وکٹوں سے شکست دی۔
ملتان میں کھیلے گئے سیریز کے تیسرے اور آخری ٹی20 میچ میں جنوبی افریقی ویمنز ٹیم نے پاکستان کو 8 وکٹوں سے شکست دی۔ افریقی ٹیم نے 154 رنز کا ہدف محض 18.3اوورز میں 2 وکٹوں کے نقصان پر حاصل کرلیا۔
مزید پڑھیں: پاکستان اور جنوبی افریقہ ٹی20 سیریز برابر، ندا ڈار کے 2 ہزار رنز مکمل
پاکستان نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 153 رنز بنائے، سدرہ امین 37 منیبہ علی 33 اور کپتان فاطمہ ثنا 27 رنز کے ساتھ نمایاں رہیں۔
جنوبی افریقہ نے ہدف کا تعاقب کرتے ہوئے 18.3 اوورز میں 2 وکٹوں کے نقصان پر پورا کیا، افریقہ کی جانب سے کپتان وولوارٹ نے 45، اینیکے بوش نے 46 اور ڈرکسن 44 بنا کر ناٹ آؤٹ رہیں۔
یہ بھی پڑھیں:ٹی20 کرکٹ کا انوکھا ریکارڈ‘ ایک میچ میں 3 سپر اوورز؟
اس سے قبل سیریز کے پہلے میچ میں جنوبی افریقہ نے پاکستان کو شکست دی تھی جبکہ دوسرے میچ میں قومی ٹیم نے جیت کر سیریز کو 1-1 سے برابر کیا تھا۔
واضح رہے 3میچز کی سیریز میں جنوبی افریقہ کی ویمنز ٹیم نے 2میچز جیت کر سیریز اپنے نام کرلی ہے۔ تاہم، پاکستان کی ٹیم صرف ایک میچ ہی جیت سکی ہے۔
