معروف ٹی وی اینکر مرحوم عامر لیاقت کی سابقہ اہلیہ و اداکارہ طوبیٰ انور کو بولڈ لباس میں ویڈیو شوٹ شیئر کرنا مہنگا پڑگیا۔
فوٹو اینڈ ویڈیو شیئرنگ ایپ انسٹاگرام پر طوبیٰ انور نے ویسٹرن لُک میں بولڈ ویڈیو شوٹ شیئر کیا جس میں انہیں کالے رنگ کے گاؤن میں فوٹو شوٹ کراتے دیکھا جا سکتا ہے، اداکارہ کا بولڈ ڈریسنگ سینس مداحوں کو ایک آنکھ نہ بھایا جس کے بعد سوشل میڈیا صارفین کی جانب سے ان کی ٹرولنگ کا سلسلہ شروع ہوگیا۔
View this post on Instagram
طوبیٰ انور کی جانب سے ویڈیو شوٹ سوشل میڈیا پر اپلوڈ کرنے پر مداح سیخ پَا ہوگئے۔ گلیمریس ویڈیو پر ایک صارف نے تبصرہ کیا کہ پاکستانی انفلوئنسرز کو دیکھنے کے بعد پاکستان کو اسلامی ملک کہنا چھوڑ دیں۔ ایک صارف نے لکھا کہ پیسہ انسان سے کیا کچھ کروا دیتا ہے۔
جہاں کئی صارفین اداکارہ پر تنقید کر رہے تھے وہیں چند صارفین نے کہا کہ یہ ان کی اپنی چوائس ہے وہ جیسی مرضی ڈریسنگ کریں۔
واضح رہے کہ 2020ء میں ڈرامہ سیریل ’بھڑاس‘ سے طوبیٰ انور نے اداکاری کا سفر شروع کیا۔ 2021ء میں طوبیٰ نے شہروز سبزواری کے ساتھ ڈراما سیریل ’یہ عشق سمجھ میں نہ آئے‘ میں کام کیا تھا۔
طوبیٰ انور نے ڈراما سیریل ’بھڑاس‘ کے بعد ڈراما سیریل ’بساط‘، ’پہچان‘ اور ’بچھو‘ سے ناظرین کی توجہ حاصل کی۔ سیدہ طوبیٰ انور اب ڈراموں میں مرکزی کردار بھی نبھا رہی ہیں۔ اس سے قبل انہیں نے معاون کردار اور منفی کردار زیادہ نبھائے۔
