پنجاب کے ضلع فیصل آباد میں ڈکیتی کی انوکھی واردات ہوئی ہے جہاں ملزمان ڈیلیوری بوائے سے اسلحہ کے زور پر 4 پیزے لے اڑے۔
یہ بھی پڑھیں کراچی میں انوکھے چور سرگرم، درجنوں گھر گیس میٹر اور پائپوں سے محروم
پولیس نے بتایا کہ گزشتہ رات فون کال کے ذریعے معروف پیزا برانڈ پر آرڈر دیا گیا کہ 4 پیزے گھر بھیج دیں، اور ڈیلیوری بوائے کو کہکشاں کالونی گلی نمبر ایک کا پتا بتایا گیا۔
پولیس کے مطابق جونہی پیزا ڈیلیوری بوائے پیزے لے کر وہاں پہنچا تو موٹرسائیکل پر سوار 2 افراد نے اسلحہ کے زور پر اس سے چاروں پیزے چھین لیے اور فرار ہوگئے۔
پولیس کے مطابق تھانہ صدر میں 2 نامعلوم ڈاکوؤں کے خلاف مقدمہ درج کرلیا گیا ہے۔
یہ بھی پڑھیں پارلیمنٹ ہاؤس کی مسجد سے نمازیوں کے جوتے چوری، ’سہولتکاری کس نے کی‘؟
یاد رہے کہ کچھ روز قبل بھی ایک ایسی ہی واردات سامنے آئی تھیں، جب تھانہ صدر کے علاقے سفیان ٹاؤن میں ڈیلیوری بوائے سے 2 پیزے چھین لیے گئے تھے۔
