عمران خان کے ذاتی معالج سمیت پمز اسپتال کے ڈاکٹروں پر مشتمل ایک میڈیکل بورڈ نے آج اڈیالہ جیل میں سابق وزیراعظم کا طبی معائنہ کرنے کے بعد انہیں صحتمند قرار دیا ہے۔
اڈیالہ جیل میں 4 رکنی میڈیکل بورڈ نے عمران خان کا ایک گھنٹے تک طبی معائنہ کیا اور ان کے مختلف ٹیسٹ بھی تجویز کیے ہیں۔
عمران خان کا اڈیالہ جیل میں طبی معائنہ
کے بعد ڈاکٹروں کی ٹیم واپس روانہڈاکٹروں نے عمران خان کی صحت کو تسلی بخش قرار دیا معمول کے مزید ٹیسٹ تجویز کر دیئے
رپورٹ تیار کرکے اسلام اباد ہائی کورٹ پیش کی جائے گی
طبی معائنہ پمز اسپتال کے تین اور شوکت خانم اسپتال کے ڈاکٹر عاصم یونس…— Umar Bashir Dhuddi (@UmarBashir_) November 4, 2024
بانی پی ٹی آئی عمران خان کا طبی معائنہ کرنیوالے میڈیکل بورڈ میں پمز اسپتال کے 3 ڈاکٹرز اور بانی پی ٹی آئی کے ذاتی معالج ڈاکٹر عاصم یوسف شامل تھے۔
یہ بھی پڑھیں: عمران خان جیل میں کیا کچھ کھا پی رہے ہیں، جیل انتظامیہ نے بتادیا
عمران خان کے ذاتی معالج ڈاکٹر عاصم یوسف کے مطابق عمران خان کی صحت بالکل ٹھیک ہے، میڈیکل بورڈ نے کچھ ٹیسٹ تجویز کیے ہیں، جس کے بعد طبی معائنے کی رپورٹ تیار کی جائے گی۔
واضح رہے کہ اسلام آباد ہائیکورٹ نے بانی پی ٹی آئی کے طبی معائنے کے لیے میڈیکل بورڈ تشکیل دینے کی ہدایت کی تھی، میڈیکل بورڈ عمران خان کے طبی معائنہ کی رپورٹ ہائیکورٹ میں پیش کرے گا۔
