الیکشن کمیشن آف پاکستان نے ملک بھر میں ووٹرز کی تفصیل جاری کردی ہے۔
الیکشن کمیشن کی جانب سے جاری اعلامیہ کے مطابق پاکستان بھر میں ووٹرز کی کل تعداد 12 کروڑ 56 لاکھ 26 ہزار 930 ہے اوران میں مرد ووٹرز کی تعداد 6 کروڑ 78 لاکھ 93 ہزار 815 ، خواتین ووٹرز کی تعداد 5 کروڑ 77 لاکھ 32 ہزار 575 ہے۔
الیکشن کمیشن نے بتایا ہے کہ مرد ووٹرز کی شرح 54 فیصد اور خواتین کی 46 فیصد ہے ۔
الیکشن کمیشن آف پاکستان کے مطابق اسلام آباد میں ووٹرز کی تعداد 10 لاکھ 20 ہزار 953 ہے جبکہ بلوچستان میں ووٹرز کی تعداد 52 لاکھ 28 ہزار 726 ہے۔
پنجاب میں ووٹرز کی تعداد 7 کروڑ 15 لاکھ 65 ہزار 168، خیبر پختونخوا میں ووٹرز کی تعداد 2 کروڑ 14 لاکھ 15 ہزار 490 جبکہ سندھ میں ووٹرز کی تعداد 2 کروڑ 63 لاکھ 96 ہزار 53 ہے۔
الیکشن کمیشن کے مطابق 18 سے 25 سال تک کے ووٹرز کی تعداد 2 کروڑ 31 لاکھ 21 ہزار 392 ہے اور ان کی شرح 18 فیصد ہے۔
اس کے علاوہ 26 سے 35 سال کے ووٹرز کی تعداد 3 کروڑ 26 لاکھ 18 ہزار 771 ہے اور ان کی شرح 26 فیصد ہے۔
الیکشن کمیشن کے مطابق 36 سے 45 سال کے ووٹرز کی تعداد2 کروڑ 77 لاکھ 56 ہزار 963 ہے جن کی شرح 22 فیصد ہے۔
اعلامیہ کے مطابق پاکستان بھر میں 56 سے 65 سال تک کی عمر کے ووٹرز کی تعداد ایک کروڑ 18 لاکھ 99 ہزار، 66 سال سے زائد عمر کے ووٹرز کی تعداد ایک کروڑ 21 لاکھ 9 ہزار 122 ہے اور یہ شرح 10 فیصد ہے۔
