پاکستان اسٹاک ایکسچنج میں آج کاروباری ہفتے کے چوتھے روز نئی تاریخ رقم ہوئی ہے، جہاں 100 انڈیکس نے پہلی بار ایک لاکھ 13 ہزار پوائنٹس کا سنگ میل عبور کرلیا ہے۔
آج کاروباری دن کا آغاز ہوا تو ابتدائی 30 منٹ میں 100 انڈیکس میں ڈھائی ہزار سے زائد پوائنٹس کا اضافہ دیکھنے میں آیا ہے۔ پاکستان اسٹاک ایکسچینج میں 100 انڈیکس اس وقت ایک لاکھ 13 ہزار 380 پر ٹریڈ کررہا ہے۔
یہ بھی پڑھیں: گزشتہ روز گراوٹ کے بعد اسٹاک مارکیٹ آج پھر سنبھل گئی، وجہ کیا بنی؟
گزشتہ روز بھی پاکستان اسٹاک ایکسچینج میں زبردست تیزی کا رجحان رہا، پاکستان اسٹاک ایکس چینج میں 100 انڈیکس میں 1163 پوائنٹس کا اضافہ دیکھنے میں آیا، کاروبار کے دوران 100 انڈیکس ایک لاکھ 10 ہزارسے زائد پوائنٹس پرٹریڈ کرتے دیکھا گیا تھا۔ گزشتہ روز کاروبار کے اختتام پر انڈیکس 10 ہزار 804 کی سطح پر بند ہوا تھا۔
