گزشتہ روز گراوٹ کے بعد اسٹاک مارکیٹ آج پھر سنبھل گئی، وجہ کیا بنی؟

بدھ 11 دسمبر 2024
icon-facebook icon-twitter icon-whatsapp

پاکستان اسٹاک ایکسچینج میں زبردست تیزی کا رجحان جاری ہے، کاروبار کے دوران آج بھی اسٹاک مارکیٹ میں 2 ہزار سے زائد پوائنٹس کا اضافہ ہوا اور 100 انڈیکس ایک لاکھ 10 ہزار 930 پوائںٹس پر پہنچ گیا۔

اس حوالے سے اسٹاک مارکیٹ ایکسپرٹ شہریار بٹ نے وی نیوز سے گفتگو میں بتایا کہ گزشتہ روز ہم نے مارکیٹ میں بڑ‎ی گراوٹ دیکھی، اس کی وجہ یہ تھی کہ مسلسل 9 دن سے مارکیٹ بڑھتی جارہی تھی جس سے 12 ہزار پوائنٹس کا اضافہ دیکھنے میں آیا، جب اسٹاک مارکیٹ میں مسلسل اتنے پوائنٹس بڑھتے ہیں تو یقینی طور پر مارکیٹ میں کوریکشن کی گنجائش موجود رہتی ہے۔ ان کا کہنا تھا کہ مارکیٹ اور بورڈ ہوگئی تھی اور لیوریج کی پوزیشن بھی 51 ہزار پوائنٹس سے بڑھ چکی تھی، جس کی وجہ سے ہم نے کل مارکیٹ میں منافع دیکھا۔

یہ بھی پڑھیں : پاکستان اسٹاک ایکسچینج میں تیزی، 100 انڈیکس آج پھر ایک لاکھ 11 ہزار پوائنٹس کے قریب

شہریار بٹ کا کہنا ہے کہ اگر آج یعنی کاروباری ہفتے کے تیسرے روز کی بات کی جائے تو ہم آج مارکیٹ میں ایک بار پھر ریکوریز دیکھ رہے ہیں اور اس وقت مارکیٹ نے 2 ہزار پوائنٹس سے زائد کا اضافہ کرتے ہوئے ایک بار پھر ایک لاکھ 11 ہزار کی سطح کو عبور کرلیا ہے۔ ان کا کہنا تھا کہ مارکیٹ میں فنڈز آرہے ہیں، خاص طور پر میوچل فنڈز بہت زیادہ ایکٹیو ہیں، ان کا کہنا تھا کہ گزشتہ روز 10 ملین ڈالر کی خریداری ہوئی ہے اور اگر دیکھا جائے تو اسٹیٹ بینک اپنی مانیٹری پالیسی میں شرح سود کم کرسکتا ہے اور یہی وجہ ہوگی کہ مارکیٹ میں پھر سے خریداری نظر آرہی ہے۔

یہ بھی پڑھیں: پاکستان اسٹاک ایکسچینج نے ایک اور نیا ریکارڈ قائم کردیا

اسٹاک مارکیٹ ایکسپرٹ محسن مسیڈیا کا کہنا ہے کہ گزشتہ روز مارکیٹ نے کوریکشن لی تھی اور مائنس میں چلی گئی تھی۔ ان کا کہنا تھا کہ آج مارکیٹ نے باؤنس بیک کیا ہے اور اس وقت تک بہتر کارکردگی دکھا رہی ہے اور امید ہے کہ مستقبل میں بھی یہی کارکردگی دکھائی دے گی۔

محسن مسیڈیا کا کہنا ہے کہ کسی کو سزا ہو یا اس پر فردجرم عائد ہو، اس وقت اس کا مارکیٹ سے کوئی تعلق نہیں ہے، مارکیٹ توقعات کے عین مطابق اپنی کارکردگی دکھا رہی ہے جس کا اندازہ پہلے سے ہی ماہرین لگا چکے ہوتے ہیں۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

’سادات خاندان کی منفی عکاسی ناگزیر نہ تھی‘، ناصر ادیب کی ’مٹی دے باوے‘ کی تحریر اور مکالموں پر کڑی تنقید

سائنس دانوں نے 2 حلقوں پر مشتمل سیاروی ملبے والا سفید بونا ستارہ دریافت کر لیا

افغانستان سے منشیات اسمگلنگ کا نیٹ ورک بے نقاب، سرغنہ سمیت 9 ملزمان گرفتار

شہر قائد میں ڈاکو راج، 46 ہزار سے زائد وارداتیں، 65 شہری قتل، 182 زخمی

دلجیت دوسانجھ کے اندور کنسرٹ میں ’پٹیالہ پیگ‘ سمیت 4 گانوں پر پابندی

ویڈیو

ایران سے جنگ بندی اور جوہری مذاکرات کی بحالی کی کوششیں، پاکستان اور قطر کی ثالثی میں امریکی نائب صدر جے ڈی وینس متحرک

سندھ میں صاف پانی کا مسئلہ حل نہ ہو سکا، نوکوٹ میں ساڑھے 12 کروڑ کی واٹر سپلائی اسکیم زبوں حالی کا شکار

انور مسعود: شعر و سخن کا جادو، قہقہوں کا سفر

کالم / تجزیہ

انور مسعود کی دیوارِ گریہ

امریکی الیکشن جو ریفرنڈم بن گیا

تحریک انصاف، جے یو آئی اور جماعت اسلامی: ایک سماجی مطالعہ