انٹرنیشنل کرکٹ کونسل ( آئی سی سی ) کا کہنا ہے کہ چیمپیئنز ٹرافی 2025 پر کوئی بھی اعلان پریس ریلیز کے ذریعے کیا جائے گا۔ چیمپئنز ٹرافی اور فیوژن فارمولے پر تاحال بات چیت جاری ہے۔
واضح رہے کہ گزشتہ روز بھارتی میڈیا نے دعویٰ کیا تھا چیمپئنز ٹرافی فیوژن فارمولے کے تحت ہوگی اور اس کا میزبان پاکستان ہوگا، فیوژن فارمولے کے تحت پاکستان بھارت جا کر ورلڈ کپ نہیں کھیلے گا۔
مزید پڑھیں: چیمپیئنز ٹرافی فارمیٹ کے لیے تاحال کوئی ڈیل نہیں ہوسکی
بھارتی میڈیا کے مطابق چیمپئنز ٹرافی فیوژن فارمولا تمام بورڈز ممبران کے سامنے طے ہوا اور فیوژن فارمولا تحریری طور پر نہیں تمام بورڈز کی موجودگی میں وعدہ لینے کے مطابق ہوا۔
تاہم، آج آئی سی سی کی جانب سے کہا گیا ہے کہ چیمپئنز ٹرافی 2025 اور فیوژن فارمولے پر تاحال بات چیت جاری ہے۔ چیمپیئنز ٹرافی پر کوئی بھی اعلان پریس ریلیز کے ذریعے کیا جائے گا اور ابھی تک باقاعدہ کوئی اجلاس نہیں بلایا گیا۔
