فلسطین کی مزاحمتی تنظیم حماس کے عسکری ونگ القسام بریگیڈز کے جنگجوؤں نے 5 اسرائیلی فوجی ہلاک کردیے۔
یہ بھی پڑھیں غزہ: فلسطینی جنگجو کا بھیس بدل کر اسرائیلی فوج پر خودکش حملہ
غیرملکی میڈیا رپورٹس کے مطابق القسام بریگیڈز نے اپنے ایک بیان میں بتایا کہ جبالیہ کیمپ میں چھپے ہوئے 3 اسرائیلی فوجیوں پر جنگجوؤں کی جانب سے چاقو سے حملہ کیا گیا اور تینوں فوجیوں کو ہلاک کرکے ہتھیار بھی چھین لیے گئے۔
القسام بریگیڈز کے مطابق جنگجوؤں نے ایک گھر پر دوسری کارروائی کی جہاں اسرائیلی فوجی موجود تھے، اور اس کارروائی میں 2 اسرائیلی فوجی ہلاک ہوگئے۔
دوسری جانب اسرائیلی فورسز کی جانب سے غزہ میں حملے جاری ہے، اور 24 گھنٹوں کے دوران مزید 77 فلسطینیوں کو شہید کردیا گیا ہے۔
یہ بھی پڑھیں ’او وی خوب دیہاڑے سَن‘، خوشیاں لانے والی سردیاں اور بارشیں اب غزہ والوں کے دل کیوں دہلا دیتی ہیں؟
واضح رہے کہ 7 اکتوبر 2023 کو حماس کے ایک آپریشن کے بعد سے اسرائیل کی غزہ پر بمباری کا سلسلہ جاری ہے اور اب تک 44 ہزار سے زیادہ فلسطینی شہید ہوچکے ہیں، جس میں خواتین اور بچوں کی بڑی تعداد موجود ہے۔
