پاکستان جنوبی افریقہ کو ہوم گراؤنڈ پر ایک روزہ سیریز میں وائٹ واش کرنے والی پہلی ٹیم بن گئی ہے۔ پاکستانی ٹیم کی جیت پر صارفین انتہائی خوش نظر آ رہے ہیں سیاسی شخصیات بھی پاکستان کی جیت پر مختلف تبصرے کر رہی ہیں۔
سینیٹر اور قائمہ کمیٹی برائے موسمیاتی تبدیلی کی چیئرپرسن شیری رحمان نے پاکستان کو مبارکباد پیش کرتے ہوئے کہا کہ پاکستانی کرکٹ ٹیم نے مضبوط ترین حریف کو اس کے ہوم گراؤنڈ پر زیر کرکے اپنی صلاحیتوں کا لوہا منوایا ہے، بیٹنگ میں صائم ایوب اور باؤلنگ میں شاہین آفریدی نے زبردست پاور شو دکھایا ہے۔
یہ بھی پڑھیں: ’پاکستان کو دوسرا سعید انور مل گیا‘، شائقین صائم ایوب کا موازنہ سعید انور سے کیوں کر رہے ہیں؟
ان کا کہنا تھا کہ محمد رضوان کی قیادت میں ٹیم ہر مقابلے میں متحد نظر آئی جس کا نتیجہ کلین سوئپ کی صورت میں سامنے آیا۔ پاکستان کا نام فخر سے بلند کرنے والی پوری ٹیم شاباش کی مستحق ہے۔ چیمپئنز ٹرافی سے قبل ون ڈے فارمیٹ میں لگا تار 3 سیریز جیتنا خوش آئند ہے، امید ہے پاکستانی کرکٹ ٹیم جنوبی افریقہ کےخلاف ٹیسٹ سیریز میں بھی اچھا کھیل پیش کرے گی۔
پاکستان کرکٹ ٹیم کو جنوبی افریقہ کیخلاف ون ڈے سیریز میں کلین سوئپ کرنے پر مبارکباد پیش کرتی ہوں،پاکستانی کرکٹ ٹیم نے مضبوط ترین حریف کو اس کے ہوم گراؤنڈ پر زیر کرکے اپنی صلاحیتوں کا لوہا منوایا،بیٹنگ میں صائم ایوب اور باؤلنگ میں شاہین آفریدی نے زبردست پاور شو دکھایا،محمد رضوان کی… pic.twitter.com/aDotAjQRzA
— SenatorSherryRehman (@sherryrehman) December 23, 2024
سیاستدان علیم خان نے سماجی رابطوں کی سائٹ ایکس پر کہا کہ شاہینوں نے تینوں شعبوں میں عمدہ کارکردگی دکھائی، خاص طور پر نوجوان بلے باز صائم ایوب نے شاندار بیٹنگ کا مظاہرہ کیا۔ بڑی ٹیم کے خلاف فتح ٹیم کا مورال مزید بلند کرے گی۔ امید ہے ٹیم چیمپیئنز ٹرافی میں بھی عمدہ کارکردگی دکھاتے ہوئے ٹائیٹل اپنے نام کرے گی۔
شاباش شاہینو۔۔۔!
جنوبی افریقہ کو 3 ایک روزہ میچوں کی سیریز میں وائٹ واش کرنے پر قومی کرکٹ ٹیم کو مبارکباد، شاہینوں نے تینوں شعبوں میں عمدہ کارکردگی دکھائی، خاص طور پر نوجوان بلے باز صائم ایوب نے شاندار بیٹنگ کا مظاہرہ کیا۔ بڑی ٹیم کے خلاف فتح ٹیم کا مورال مزید بلند کرے گی۔ امید…— Abdul Aleem Khan (@abdul_aleemkhan) December 23, 2024
وزیراعظم شہباز شریف نے کہا کہ جنوبی افریقہ کے خلاف 3-0 کی شاندار سیریز جیتنے پر ٹیم پاکستان کو دل کی گہرائیوں سے مبارکباد۔ انہوں نے پاکستانی ٹیم سے کہا کہ
آپ کے عزم، مہارت، اور ٹیم ورک نے پی سی بی کے چیئرمین سید محسن رضا نقوی کی قیادت میں پورے قوم کو فخر سے ہمکنار کیا۔ ایسے ہی سبز پرچم کو بلند رکھیں۔
Unstoppable and unbeatable! 🏏
Congratulations to Team Pakistan on an outstanding 3-0 ODI series victory against South Africa.
Well done, boys! Your determination, skill, and teamwork under the leadership of the PCB Chairman, Syed Mohsin Raza Naqvi, have made the entire nation…— Shehbaz Sharif (@CMShehbaz) December 23, 2024
ہادیہ لکھتی ہیں کہ پاکستان نے تاریخ رقم کر دی ہے۔
History made, pride earned! 🇵🇰🏏#PAKvsSA pic.twitter.com/PjZEZi7KRP
— Hadia.K (@hadiyya_kleo) December 22, 2024
صائم ایوب کی شاندار کارکردگی پر تبصرہ کرتے ہوئے ایک صارف نے کہا کہ یہ وہ لمحات ہیں جن کو دیکھنے کے لیے وہ اپنے انٹرنیٹ کا بل ادا کرتےہیں۔
Moments I pay my internet bills for ✨#PAKvsSA || #saimayub pic.twitter.com/ylzyqwRG2U
— زین 🇵🇸 (@is_zainn) December 22, 2024
ایک صارف نے لکھا کہ جنوبی افریقہ نے ہمیں دھوکہ دے کر تکلیف دی، اور ہم انہیں وائٹ واش کر کے تکلیف پہنچاتے ہیں۔ یہ ایک میٹھا انتقام ہے۔
They hurt us by deciving us, we hurt them by white washed. A sweet revenge 🔥😎#PAKvsSA pic.twitter.com/cRMCzieROE
— Babar Azam's World (@Babrazam358) December 22, 2024
ایک صارف نے لکھا کہ جنوبی افریقہ نے ہمیں دھوکہ دے کر تکلیف دی، اور ہم انہیں وائٹ واش کر کے تکلیف پہنچاتے ہیں۔ یہ ایک میٹھا انتقام ہے۔ ایک ایکس صارف نے جناح کا شکریہ ادا کرتے ہوئے کہا کہ شکریہ جناح۔ ہمارے پاس پاکستانی ٹیم میں شاہین شاہ آفریدی ہے بھارت کا فاسٹ بولر جسپریت بمراہ نہیں۔
Thank you, Jinnah. We've got Shaheen Shah Afridi in the Pakistan team, not Bumrah.🇵🇰🤩 #PAKvsSA pic.twitter.com/JXJ7HyvZdv
— Sheraxii Tweets (@i__mAfridi) December 22, 2024
واضح رہے کہ پاکستان کرکٹ ٹیم 10 دسمبر سے 7 جنوری تک جنوبی افریقہ کے دورے میں 3 ٹی20، 3 ون ڈے اور 2 ٹیسٹ میچز کھیلے گی۔
پاکستان اور جنوبی افریقہ کے مابین پہلا ون ڈے 17 دسمبر کو کھیلا گیا جب کہ ٹیسٹ میچز بالترتیب 26 دسمبر اور 3 جنوری کو سنچورین اور کیپ ٹاؤن میں شروع ہوں گے۔
