بیمار ہونے کے باعث جمعیت علما اسلام کے سربراہ مولانا فضل الرحمان کو ڈاکٹروں نے مکمل آرام کا مشورہ دیا ہے، جس کے بعد انہوں نے اپنی تمام سرگرمیاں موخر کردی ہیں۔
یہ بھی پڑھیں: مدارس رجسٹریشن بل: صرف ایوان صدر نہیں، حکومت اور ایجنسیاں بھی رکاوٹ ہیں، مولانا فضل الرحمان
میڈیا رپورٹس کے مطابق کئی دنوں سے مولانا فضل الرحمان کی نقل وحرکت انتہائی محدود ہوگئی ہے کیونکہ انہیں پاؤں میں شدید تکلیف کا سامنا ہے جس کے باعث انہیں مکمل آرام کی ہدایت کی گئی ہے۔
روزنامہ جنگ کی رپورٹ کے مطابق مولانا فضل الرحمان گزشتہ ہفتے وزیراعظم شہباز شریف سے ملاقات کے لیے وزیراعظم ہاؤس گئے تھے، جہاں سے واپسی پر ان کے پاؤں میں تکلیف شروع ہوگئی تھی، ان کا بایاں پاؤں سوج چکا تھا اور انگلیاں نیلی پڑ گئیں تھیں۔
مزید پڑھیں: مدارس بل پر مولانا فضل الرحمان کیساتھ ہاتھ ہوگیا، ایمل ولی خان
ڈاکٹرز نے ہنگامی طور پر ابتدائی طبی معائنے کے بعد انہیں ادویات تجویز کرتے ہوئے چلنے پھرنے سے پرہیز اور مکمل آرام کا مشورہ دیا ہے، یہی وجہ ہے کہ انہوں نے اپنی سیاسی سرگرمیاں فی الحال ملتوی کردی ہیں۔
