سعودی عرب نے یمنی معیشت کو مستحکم کرنے اور عوام کی فلاح کے لیے 500 ملین ڈالر کی خطیر رقم فراہم کی ہے۔ یہ امداد یمن کی حکومت کی مالیاتی مشکلات کو کم کرنے، مرکزی بینک کو مضبوط بنانے اور ملک میں استحکام لانے کے لیے دی گئی ہے۔
مزید پڑھیں: سعودی عرب نے کابل میں اپنا سفارت خانہ دوبارہ کھول دیا
سعودی حکام کے مطابق، یہ امداد یمنی عوام کے لیے غذائی تحفظ کو یقینی بنانے اور حکومتی اداروں کی صلاحیتوں کو بڑھانے میں مددگار ثابت ہوگی۔ امداد کے اہم مقاصد میں بجٹ اور تنخواہوں کے اخراجات پورے کرنا، اقتصادی اصلاحات کے منصوبے کو نافذ کرنا، اور نجی شعبے کی ترقی کو فروغ دینا شامل ہے۔
مزید پڑھیں: سعودی عرب میں ہونے والے ورلڈکپ میں سیالکوٹ کے بنے فٹ بالز استعمال ہوں گے: سفارتکار
یہ اقدام سعودی ترقیاتی اور تعمیر نو پروگرام برائے یمن کے تحت اٹھایا گیا ہے، جس کا مقصد جنگ زدہ یمن میں استحکام اور ترقی کی راہ ہموار کرنا ہے۔ یاد رہے کہ سعودی عرب خطے میں اپنے پڑوسی ممالک کی مدد اور تعمیر نو کے اقدامات میں پیش پیش رہتا ہے۔
