ترکیہ کے صدر طیب اردوان نے نئے سال کے آغاز پر پیغام دیتے ہوئے اپنی ترجیحات اور عزائم کا اعلان کردیا ہے۔
ترک صدر نے اپنے پیغام میں ترکیہ کے علاوہ شام اور فلسطین میں بھی امن و استحکام کی بحالی کے لیے کوششوں کو فروغ دینے کا اعلان کیا۔
انہوں نے اپنے بیان میں کہا کہ ہم شام میں آنے والے وقت میں دیرپا امن، استحکام اور معاشی خوش حالی کو یقینی بنانے کے لیے ہر ممکن مدد فراہم کریں گے۔
ایکس پر جاری اپنے پیغام میں انہوں نے کہا کہ ہم غزہ اور دوسرے فلسطینی علاقوں میں 15 مہینوں سے جاری قتل عام ختم کرانے اور وہاں امن قائم کرنے کے لیے بھرپور کوشش کررہے ہیں۔
یہ بھی پڑھئے:ترک فوج فلسطینیوں کی مدد کے لیے اسرائیل میں داخل ہوسکتی ہے، رجب طیب اردوان
دہشت گردی کے خلاف اپنے عزم کا اعادہ کرتے ہوئے ان کا کہنا تھا کہ وہ ترکیہ اور پورے خطے کو دہشت گردی سے پاک کرنے کے لیے اقدامات کریں گے۔
طیب اردوان نے نئے سال سے متعلق اپنے پیغام میں یوکرین اور روس کے درمیان جاری تنازعے کا بھی ذکر کیا اور کہا کہ ہماری ترجیح رہی ہے کہ بحیرہ احمر کے علاقے میں ہمارے ہمسائے، یوکرین اور روس کے درمیان جنگ امن پر ختم ہو۔
