اسلام آباد اور بلوچستان ہائیکورٹ میں ایڈیشنل ججز کی تقرری کے لیے ناموں کی فہرست جوڈیشل کمیشن آف پاکستان کو بھیج دی گئی ہے جس کے مطابق اسلام آباد ہائیکورٹ کے لیے 19 اور بلوچستان کے لیے 11 نام بھجوائے گئے ہیں۔
یہ بھی پڑھیں: جسٹس منصورعلی شاہ کے ججز کی تعیناتی کے طریقہ کار پرتحفظات، جوڈیشل کمیشن کو خط لکھ دیا
جمعہ کو سیکریٹری جوڈیشل کمیشن آف پاکستان کے دفتر کی جانب سے جاری 2 مختلف نوٹیفکیشنز میں بتایا گیا ہے کہ اسلام آباد ہائیکورٹ میں 4 ایڈیشنل ججز کے لیے 19 نام جوڈیشل کمیشن کو بھجوا دیے گئے، بجھوائے گئے ناموں میں 3 ڈسٹرکٹ سیشن جج اور ایک ایڈیشنل سیشن جج کا نام بھی شامل ہے۔
CamScanner 01-03-2025 18.43 by Iqbal Anjum on Scribd
نوٹیفکیشن کے مطابق ججز تقرری کمیٹی کے چیئرمین کو بجھوائے گئے ناموں میں ایڈیشنل سیشن جج ہمایوں دلاور، سیشن جج راجہ جواد عباس حسن، سشین جج اعظم خان اور شاہ رخ ارجمند کا نام شامل ہے۔
اسلام آباد ہائیکورٹ کے لیے ایڈیشنل ججز کی تقرری کے لیے بھیجے گئے مزید ناموں میں ایڈوکیٹ عدنان بشارت، ایڈوکیٹ سید قمر حسین سبزواری، ایڈوکیٹ عمر اسلم کا نام بھی شامل ہے، اسی طرح انعام اٰمین منہاس، محمد عثمان غنی راشد چیمہ کے نام بھی فہرست میں شامل ہیں۔
مزید پڑھیں:جوڈیشل کمیشن اجلاس: پشاور ہائیکورٹ میں ایڈیشنل ججز کی تقرری کے لیےکن ناموں پر غور کیا گیا؟
ایڈوکیٹ جنرل اسلام آباد ایاز شوکت، ایڈوکیٹ عدنان حیدر، ندرت بیان مجید، سلطان مظہر شیر خان، کاشف علی ملک اور دانیال اعجاز کے نام بھی فہرست میں شامل ہیں۔
اسلام آباد ہائیکورٹ کے لیے جوڈیشل کمیشن کو بجھوائے گئے مزید ناموں میں شاہد محمود کھوکھر، بابر بلال، محمد عبدالرافع، چوہدری حفیظ اللہ یعقوب بھی شامل ہیں۔
دوسری جانب بلوچستان ہائیکورٹ میں بھی 3 ایڈیشنل ججز کی تعیناتی کے لیے جوڈیشل کمیشن کو نام ارسال کردیے گئے ہیں۔
Baloch i Stan by Iqbal Anjum on Scribd
جوڈیشل کمیشن کی جانب سے جاری نوٹیفکیشن کے مطابق بلوچستان ہائیکورٹ میں ایڈیشنل ججز کی تعیناتی کے لیے 11 نام بھجوائے گئے ہیں، جن میں 4 سیشن جج بھی شامل ہیں۔
سیشن ججز میں جام محمد گوہر، پازیر احمد بلوچ، جج اللہ داد روشن اور محمد داؤد خان ناصر کے نام شامل ہیں جبکہ دیگر ناموں میں ایڈوکیٹ محمد عاصم، ظہور احمد مینگل، محمد افضل، محمد ایوب خان، خلیل احمد پنزائی، محمد نجم الدین مینگل اور سید اقبال شاہ کے نام بھی شامل ہیں۔
یہ بھی پڑھیں:جوڈیشل کمیشن نے آئینی بینچ کےججز کی مدت میں توسیع اور تقرری رولز 2024 کی منظوری دیدی
سیکریٹری جوڈیشل کمیشن کی جانب سے کہا گیا ہے کہ ان تمام 19 اُمیدواروں کے سی وی اور دیگر متعلقہ ریکارڈ ای میل کے ذریعے جوڈیشل کمیشن کو بھجوائے گئے ہیں، اسلام آباد ہائی کورٹ میں 4 ایڈیشنل ججز کے لیے جوڈیشل کمیشن اجلاس 17 جنوری کو ہوگا۔
