خیبر پختونخوا کے ضلع کرم میں امن کے بعد اشیائے خورونوش اور ضروری سامان لے کر گاڑیوں کا پہلا قافلہ پارا چنار پہنچ گیا ہے۔
یہ بھی پڑھیں: کرم میں ڈپٹی کمشنر پر فائرنگ میں ملوث 2 افراد گرفتار
ڈپٹی کمشنر کرم اشفاق خان کے مطابق اشیائے خورونوش لے کر گاڑیوں کا پہلا قافلہ پارا چنار پہنچ چکا ہے، قافلے کا پرامن طور پر کرم پہنچنا خوش آئند بات ہے۔
ڈپٹی کمشنر کرم ، اشفاق خان کا پاڑا چنار سے ویڈیو بیان
اشیاء خوردنوش اور سامان رسد پے مشتمل گاڑیوں کا پہلا قافلہ پاڑا چنار پہنچ چکا ہے
قافلے کا امن سے پاڑا چنار پہنچنا بہت خوش آئند ہے
ڈپٹی کمشنر پے حملہ کرنے والوں کے خلاف سخت ایکشن لیا جائے گا pic.twitter.com/WCcc5QahMG
— Rashida Sial (@Rashida_Sial) January 8, 2025
اشفاق خان نے کہا کہ کرم میں پچھلے کئی مہینوں سے صورتحال کشیدہ چل رہی تھی، بدقسمتی سے بہت سی قیمتی جانوں کا ضیاع ہوا، پچھلے دنوں ڈپٹی کمشنر کرم پر قاتلانہ حملہ ہوا، وہ زخمی ہیں اور سی ایم ایچ میں زیرعلاج ہیں، وہ صحتیاب ہورہے ہیں۔
یہ بھی پڑھیں: کرم میں امن یقینی بنایا جائیگا، امن دشمنوں سے آہنی ہاتھوں سے نمٹا جائے گا، بیرسٹر ڈاکٹر سیف
انہوں نے کہا کہ ڈپٹی کمشنر پے حملہ کرنے والوں کے خلاف سخت ایکشن لیا جائے گا، قانون نافذ کرنے والے ادارے اور حکومت اس معاملے کو بڑی سنجیدگی سے دیکھ رہے ہیں،عوام سے درخواست ہے کہ قانون نافذ کرنے والے اداروں کے ساتھ تعاون کریں اور امن کو قائم رکھیں۔
خوراک و دیگر اشیاء پر مشتمل پہلا قافلہ بگن اور پارا چنار پہنچ گیا۔ دو ماہ تک راستوں کی بندش اور سورج کی وجہ سے کرم ایجنسی (ضلع کرم) میں غذائی قلت اور ادویات ناپید ہو گئیں تھیں۔
بگن سمیت دیگر قریبی دیہات کی شنوائی نہیں ہوگی تو دیرپا امن سوالیہ نشان رہے گا۔ pic.twitter.com/0s5TG03e8d— Arif Yousafzai (@journalist11) January 8, 2025
ان کا مزید کہنا تھا کہ امن قافلہ محفوظ طور پر کرم پہنچ گیا ہے، سڑک کھلنے کے بعد کچھ گاڑیاں پارا چنار پہنچ گئی ہیں، یہ خوش آئند ہے، امید ہے کہ یہ عمل آگے چلتا رہے گا، عوام ہمارے ساتھ تعاون کریں۔
