پاکستان کی انٹربینک مارکیٹ میں بدھ کو امریکی ڈالر کے مقابلے میں پاکستانی روپےکی قیمت میں معمولی اضافہ ریکارڈ کیا گیا۔
اسٹیٹ بینک آف پاکستان کے مطابق انٹربینک مارکیٹ میں امریکی ڈالر کی قیمت میں 1 پیسے کی کمی ریکارڈ کی گئی ہے جس کے بعد اس کی نئی قیمت 283.89 روپے ہوگئی ہے۔خیال رہے کہ گزشتہ روز کے اختتام پر انٹربینک مارکیٹ میں پاکستانی روپے کے مقابلے میں ڈالر کی قیمت 283.90 روپے ریکارڈ کی گئی تھی۔
دیگر کرنسی کا احوال
انٹربینک میں آسٹریلین ڈالر کی قیمت 190 روپے 39 پیسے، کنیڈین ڈالر 211 روپے 36 پیسے، سعودی ریال 75 روپے 52 پیسے جبکہ یو کے پاؤنڈ 353 روپے 3 پیسے ریکارڈ کی گئی۔
ادھر اوپن مارکیٹ میں ڈالر 287.4 روپے میں دستیاب ہے۔
