حکومت نے پیٹرولیم مصنوعات میں کمی کا اعلان کرتے ہوئے پیٹرول 50 پیسے اور ہائی اسپیڈ ڈیزل میں 5 روپے 31 پیسے فی لیٹر سستا کردیا۔
یہ بھی پڑھیں: رمضان المبارک کے موقعے پر عوام کو ایل پی جی کی قیمت میں ریلیف
وزارت خزانہ کی جانب سے جاری نوٹیفکیشن کے مطابق حکومت نے عالمی سطح پر تیل کی قیمتوں میں کمی کے باعث ملک میں بھی پیٹرولیم مصنوعات میں ردوبدل کرنے کا فیصلہ کیا۔
The Oil & Gas Regulatory Authority (OGRA) has reviewed & adjusted consumer prices for petroleum products in view of recent fluctuations in the international oil market.Effective from March 1, 2025,the updated prices of petroleum products for the next fortnight have been revised. pic.twitter.com/H1zbELmScS
— Ministry of Finance, Government of Pakistan (@Financegovpk) February 28, 2025
پیٹرول کی قیمت میں 50 پیسے فی لیٹر اورہائی اسپیڈ ڈیزل میں 5 روپے 31 پیسے فی لیٹر کمی کر دی گئی، جبکہ مٹی کے تیل کی قیمت میں فی لیٹر 3 روپے 53 پیسے اور لائٹ ڈیزل کی قیمت 2 روپے 47 پیسے کمی کی گئی ہے۔
مزید پڑھیے: کیا ڈی ریگولرائزیشن سے پیٹرول مہنگا ہوجائے گا؟
نوٹیفکیشن کے مطابق پیٹرول کی نئی قیمت 255 روپے 63 پیسے فی لیٹر، ہائی اسپیڈ ڈیزل کی نئی قیمت 258 روپے 64 پیسے فی لیٹر، مٹی کے تیل کی قیمت 168 روپے 12 پیسے فی لیٹر جب کہ لائٹ ڈیزل 153 روپے 81 پیسے فی لیٹر کردی گئی ہے۔
قبل ازیں آئل اینڈ گیس ریگولیٹری اتھارٹی (اوگرا) نے نوٹیفکیشن جاری کیا جس کے مطابق ایل پی جی کی فی کلو قیمت میں 6 روپے 15 پیسے کمی کردی گئی ہے۔
نوٹیفکیشن کے مطابق ایل پی جی کی قیمت 6 روپے 15 پیسے کمی کے بعد اب 247 روپے 82 پیسے مقرر کی گئی ہے۔
