بھارتی کرکٹ ٹیم کے کھلاڑی یوزویندر چاہل کو اپنی اہلیہ دھناشری سے علیحدگی کی خبروں کے بعد مبینہ گرل فرینڈ آر جے مہوش کے ساتھ دبئی اسٹیدیم میں انڈیا اور نیوزی لینڈ کے میچ سے لطف اندوز ہوتے دیکھا جا سکتا ہے۔
یوزویندر چاہل اور آر جے مہوش کو دبئی اسٹیڈیم میں بھارتی ٹیم کے حق میں نعرے لگاتے اور جیت کا جشن مناتے ہوئے دیکھا گیا، ان کی ایک ساتھ کئی تصاویر اور ویڈیوز سوشل میڈیا پر وائرل ہو گئیں جس نے مداحوں کی توجہ حاصل کر لی۔
وائرل ویڈیو میں آر جے مہوش نے سفید رنگ کی ٹی شرٹ پہنی تھی جبکہ یوزویندر چہل سیاہ جیکٹ اور میچنگ ٹی شرٹ پہنے ہوئے نظر آئے۔
Chahal bhai 😭😭😭 pic.twitter.com/JBFVHt31Lw
— Anix patel (@anixxpatel) March 9, 2025
واضح رہے کہ یہ جوڑی دسمبر 2020 میں شادی کے بندھن میں بندھی تھی، ان کی ملاقات کووڈ-19 وبا کے دوران ہوئی تھی، جب یوزویندر چاہل نے دھناشری سے ڈانس سیکھنے کے لیے رابطہ کیا تھا۔ بھارتی کرکٹر گزشتہ کئی عرصے سے اہلیہ دھنشری ورما سے طلاق کی افواہوں کی وجہ سے خبروں میں ہیں، تاہم جوڑے اب تک اس کی تصدیق یا تردید نہیں کی۔
اس سے قبل دھناشری کے بارے میں بھی قیاس آرائیاں کی جا رہی تھیں کہ وہ کوریوگرافر پراتیک اتکر کے ساتھ تعلقات میں ہیں۔ جوڑی کے علیحدہ ہونے کی خبروں کے حوالے سے بعض ذرائع کا دعویٰ تھا کہ دھنا شری کے کسی اور سے تعلقات شروع ہوگئے ہیں اس لیے وہ یوزویندر سے علیحدگی چاہتی ہیں۔
