آئی ایس پی آر کے اعلامیے کے مطابق ضلع نوشکی میں سیکیورٹی فورسز کے قافلے پر خودکش حملے نتیجے میں 3 سیکیورٹی اہلکاروں سمیت 5 افراد جان بحق ہوگئے۔
شہدا میں حوالدار منظور علی (عمر: 38 سال، ساکن ضلع نواب شاہ)، حوالدار علی بلاول (عمر: 39 سال، ساکن ضلع نصیر آباد)، نائیک عبدالرحیم (عمر: 34 سال، ساکن ضلع بدین)، سویلین ڈرائیور جلال الدین اور ضلع نویدیر کے رہائشی محمد قویری شامل ہیں۔
یہ بھی پڑھیں:کالعدم بی ایل اے کے دہشتگردوں کا نوشکی میں حملہ، کلیئرنس آپریشن جاری
دہشتگردوں کے اس اقدام کے جواب میں کیے جانے والے سینیٹائزیشن آپریشن میں دہشتگردوں کا تعاقب کیا گیا اور شدید فائرنگ کے تبادلے کے بعد سیکیورٹی فورسز نے 3 دہشتگردوں کو ہلاک کر دیا۔
علاقے میں کلیئرنس آپریشن جاری ہے اور اس گھناؤنے اور بزدلانہ فعل کے مرتکب افراد کو انصاف کے کٹہرے میں لایا جائے گا۔
آئی ایس پی آر کے مطابق پاکستان کی سیکیورٹی فورسز قوم کے شانہ بشانہ بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔ ہمارے بہادر فوجیوں اور بہادر شہریوں کی ایسی قربانیاں ہمارے عزم کو مزید مضبوط کرتی ہیں۔
