پاکستان میں آگلے ہفتے میں شدید زلزلے کی پیشگوئی کی گئی ہے۔
زلزلے کی پیشگوئی کرنے والے نجی ادارے، ارتھ کوئیک کوئیک نیوز اینڈ ریسرچ سینٹر (EQQN) کے سربراہ شہباز لغاری کی جانب سے جاری کردہ الرٹ میں ترکی، یونان، میانمار، افغانستان اور پاکستان سمیت کئی ممالک میں آنے والے ہفتے میں شدید زلزلے کی پیشگوئی کی گئی ہے۔
یہ بھی پڑھیں: کراچی کے مختلف علاقوں میں زلزلے کے جھٹکے، زلزلہ پیما مرکز
ایسوسی ایٹ پریس آف پاکستان کارپوریشن (اے پی پی سی) سے گفتگو کرتے ہوئے شہباز لغاری نے یہ پیشین گوئی کی اور کہا کہ آئندہ ہفتے میانمار، ترکی اور یونان میں 5.3، 4.8 اور 5.0 شدت کے زلزلے آئیں گے۔’ پاکستان اور افغانستان میں اگلے ہفتے 5.4 شدت کا زلزلہ آئے گا، جس کے جھٹکے پاکستان کے شمالی اور جنوبی علاقوں کو متاثر کرسکتے ہیں۔‘
شہباز لغاری نے کہا کہ ارتھ کوئیک کوئیک نیوز اینڈ ریسرچ سینٹر کا ملکیتی نظام 128 گھنٹے پہلے تک زلزلوں کی پیشگوئی ک سکتا ہے۔ انہوں نے دعویٰ کیا کہ ہماری تمام پچھلی پیشین گوئیاں اب تک درست ثابت ہوئی ہیں۔
یہ بھی پڑھیں: میانمار میں 7.7 شدت کا زلزلہ، بھارت، چین، بنگلہ دیش اور تھائی لینڈ تک جھٹکے محسوس کیے گئے
انہوں نے 12 اپریل 2025 کو پاکستان میں آنے والے حالیہ زلزلے کا حوالہ دیا، جو EQQN کی پیشگوئی کی کامیابی کی ایک مثال ہے۔ انہوں نے مزید کہا کہ ہم نے 7 اپریل 2025 کو اسلام آباد میں ایک پریس کانفرنس کے دوران عوامی طور پر اس کی پیشگوئی کی تھی، جس کا ریکارڈ بھی دستیاب ہے۔
شہباز لغاری نے کہا ’ ہمارا مشن پاکستان کے 5 ہزار کلومیٹر کے دائرے میں زلزلے کی بروقت پیشگوئی فراہم کر کے جان بچانا ہے۔” انہوں نے دعویٰ کیا کہ ، ارتھ کوئیک کوئیک نیوز اینڈ ریسرچ سینٹر زلزلے کی پیش گوئی کرنے والا دنیا کا پہلا تحقیقی مرکز ہے، جو قبل از وقت وارننگ فراہم کرنے کے لیے آزادانہ طور پر کام کررہا ہے۔
