آزاد کشمیر کے سیاحتی ضلع وادی نیلم کے ایک گھر میں سلنڈر پھٹنے سے دھماکا ہوا ہے، جس کے باعث ایک شخص جاں بحق جبکہ 6 زخمی ہوگئے۔
یہ بھی پڑھیں: مردان میں گیس سلنڈر دھماکا: 6 افراد جاں بحق، 2 بچیاں زخمی
پولیس کے مطابق واقعہ سیاحتی مقام اڑنگ کیل میں پیش آیا، جہاں گھریلو سلنڈر پھٹنے سے دھماکا ہوگیا، اور 3 منزلہ عمارت زمین بوس ہوگئی۔
پولیس نے بتایا کہ مرنے والے شخص کی میت اور زخمیوں کو قریبی اسپتال منتقل کردیا گیا ہے۔
یہ بھی پڑھیں: کراچی: مچھر کالونی میں زوردار دھماکے سے عمارت منہدم، 2 شہری جاں بحق
پولیس کے مطابق دھماکے کے باعث رہائشی عمارت میں آگ بھڑک اٹھی، تاہم دور دراز علاقہ ہونے کی وجہ سے فائر بریگیڈ کی گاڑیاں نہیں پہنچ سکیں۔
