قلات میں بھارتی ایجنڈے پر چلنے والے دہشتگردوں کی فائرنگ سے شہید ہونے والے تینوں افراد کی میتیں گزشتہ شب کراچی پہنچا دی گئیں۔ ایدھی حکام کے مطابق جسدِ خاکی مارٹن کوارٹر کے سردخانے منتقل کیے گئے، جہاں سے بعد نماز عصر پی آئی بی اسپورٹس کمپلیکس لے جایا جائے گا، جہاں نمازِ جنازہ ادا کی جائے گی۔
مزید پڑھیں: قلات: فتنہ الہندوستان کے دہشتگردوں کی مسافر بس پر فائرنگ، 3 افراد جاں بحق
اہل خانہ کے مطابق تدفین لیاقت آباد کے قبرستان میں کی جائے گی۔ شہدا کا تعلق معروف قوال احمد صابری کے خاندان سے بتایا جا رہا ہے۔ ان کی رہائش گاہ پر سوگ کی فضا ہے اور اہل علاقہ، عزیز و اقارب بڑی تعداد میں تعزیت کے لیے موجود ہیں، ہر آنکھ اشکبار ہے۔
