سردار اختر مینگل کو بیرون ملک جانے سے روک دیا گیا، وجہ کیا بنی؟

 اختر مینگل کا نام پرویژنل نیشنل آئیڈنٹیفکیشن لسٹ (PNIL) میں شامل ہونے کی وجہ سے انہیں بیرون ملک جانے سے روکا گیا۔

میڈیا رپورٹ کے مطابق سردار اختر مینگل غیر ملکی دورے پر روانہ ہو رہے تھے تاہم امیگریشن حکام نے انہیں بتایا کہ ان کا نام فہرست میں شامل ہے جس کے تحت ان پر سفری پابندی  ہے۔

#BNP strongly condemns the unconstitutional and politically motivated travel ban on MNA & ex-CM Balochistan @sakhtarmengal. He was offloaded from a Dubai flight at Quetta Airport; his name was placed on the PNIL.#BNP #HumanRights #Balochistan #AkhtarMengal #PNIL@BBCUrdu@grok pic.twitter.com/VThn6HEAsP

— Jawed Baloch (@BSOChairman) July 20, 2025

واقعے پر بلوچستان نیشنل پارٹی نے شدید ردعمل ظاہر کیا ہے اور اس اقدام کو غیر آئینی اور سیاسی انتقام قرار دیا ہے۔

پارٹی کے مرکزی رہنما آغا حسن بلوچ نے کہا ہے کہ ایک منتخب رکن قومی اسمبلی کو بیرون ملک جانے سے روکنا آئین کے آرٹیکل 15 کی خلاف ورزی ہے، حکومت فوری طور پر سردار اختر مینگل کا نام فہرست سے خارج کرے۔

یہ بھی پڑھیں:اس نظام، پارلیمنٹ اور جمہوریت سے مکمل اعتماد اٹھ چکا ہے، سردار اختر مینگل

اس حوالے سے خود اختر مینگل کا کہنا ہے کہ انہیں بغیر کسی پیشگی اطلاع کے روکا گیا، جو ان کے بنیادی حقوق کے منافی ہے۔