انسدادِ منشیات فورس ( اے این ایف) نے اسلام آباد ایئر پورٹ سے بحرین جانے والے مسافر کے ٹرالی بیگ سے 2 کلو 8 سو 36 گرام آئس برآمد کرلی۔
ترجمان اے این ایف کے مطابق ’ اے این ایف نے اسلام آباد سنگجانی ٹول پلازہ پر پیاز سے لدے مزدا ٹرک سے 1 کلو 200 گرام چرس جبکہ سیالکوٹ میں نجی کوریئر آفس میں کارروائی کرکے نیوزی لینڈ اور امریکا کے لیے بک کیے گئے پارسلز سے 2 کلو 760 گرام آئس برآمد کی۔
دیگر کارروائیوں میں لاہور میں نجی کوریئر آفس میں لندن سے آئے ہوئے پارسل سے 50 گرام ویڈ، لاہور انٹرنیشنل ائیر پورٹ کارگو کے ذریعے آسٹریلیا بھیجے جانیوالی 182 ٹی شرٹس میں جذب شدہ آئس برآمد کی گئی۔
خیبر برقمبر خیل میں پلاسٹک کے تھیلوں سے 24 کلو 400 گرام چرس برآمد کرلی۔ مذکورہ تمام واقعات میں گرفتار ملزمان کے خلاف انسدادِ منشیات ایکٹ کے تحت مقدمات درج کر لیے گئے ہیں۔
