پاکستان کرکٹ بورڈ (پی سی بی) کے چیئرمین محسن نقوی کو انٹرنیشنل کرکٹ کونسل (آئی سی سی) کی جانب سے اجلاس میں شرکت کی دعوت دی گئی ہے، جو بھارتی میڈیا رپورٹس کے مطابق آئی پی ایل فائنل کے موقع پر منعقد ہوگا۔
PCB Chairman Mohsin Naqvi receives invitation for the IPL final as well as ICC Board meeting, according to Geo News. pic.twitter.com/So3srD8xxv
— Ihtisham Ul Haq (@iihtishamm) May 16, 2026
بھارتی خبر رساں ادارے ’اے این آئی‘ کے مطابق یہ اجلاس 30 اور 31 مئی کو بھارت کے شہر احمد آباد میں ہوگا، جہاں آئی سی سی کے مختلف اجلاسوں میں عالمی کرکٹ سے متعلق اہم امور پر غور کیا جائے گا۔
رپورٹ کے مطابق ان اجلاسوں میں کرکٹ کے عالمی ڈھانچے، آئندہ ایونٹس کی تیاری اور انتظامی معاملات زیر بحث آئیں گے۔ تاہم پی سی بی کی جانب سے تاحال اس حوالے سے کوئی باضابطہ تصدیق سامنے نہیں آئی۔
یہ بھی پڑھیں:محسن نقوی کی زیر صدارت پی سی بی بورڈ آف گورنرز کا 82 واں اجلاس، اہم فیصلوں کی منظوری
یاد رہے کہ آئی پی ایل فائنل کے موقع پر ہونے والے یہ اجلاس عام طور پر کرکٹ بورڈز کے اعلیٰ حکام کے درمیان پالیسی سازی اور مشاورت کے لیے اہم سمجھے جاتے ہیں۔
