دبئی میں ایشیا کپ 2025 کی ٹرافی کی رونمائی ہوئی جس میں ایونٹ کی ٹیموں کے کپتان اور ایشیا کرکٹ کونسل کے صدر محسن نقوی بھی موجود تھے۔
اس موقع پر متحدہ عرب امارات کے کپتان محمد وسیم کا کہنا تھا کہ ہم گزشتہ ایک ماہ سے اس ایونٹ کی تیاری کررہے ہیں، ہم نے اچھی کرکٹ کھیلی ہے لیکن اس کرکٹ کو لے کر اس ٹورنمنٹ میں نہیں جاسکتے۔ آئی ایل ٹی20 میں بڑے پلیئرز کے ساتھ کھیلے ہیں جس سے ہمیں فائدہ ہوا۔
یہ بھی پڑھیے: ایشیا کپ: سابق کرکٹرز کا ٹیم کو سپورٹ کرنے پر زور، بولنگ اور بیٹنگ کمبینیشن پر تحفظات
پاکستان کے کپتان سلمان علی آغا نے کہا کہ ہم اچھی کرکٹ کھیلتے آرہے ہیں، تمام کھلاڑی ایشیا کپ کے لیے تیار ہیں، ہمارے چند پلیئرز کے لیے یہ بڑا ایونٹ ہے تاہم ہم اس چیلنج کے لیے تیار ہیں۔
🚨 CAPTAIN'S WITH THE ASIA CUP TROPHY 🚨 [📸: RevSportz] pic.twitter.com/lDfl3E7nCM
— Johns. (@CricCrazyJohns) September 9, 2025
انڈیا کے کپتان سوریا کمار یادیو نے کہا کہ دبئی آکر ہماری بہتر تیاری ہورہی ہے اور تمام ٹیموں کے ساتھ بیٹھ کر اچھا لگ رہا ہے۔ ٹیم کے طور پر ہم نے جنوری فروری میں کرکٹ کھیلی، اس کے بعد آئی پی ایل بھی ہوئے لیکن جون کے بعد کرکٹ نہیں کھیلی ہے۔ انہوں نے کہا کہ کرکٹ چیلنجز کا نام ہے، دیکھتے ہیں اس بار کس طرح کھیلتے ہیں۔
یہ بھی پڑھیے: ایشیا کپ کے ٹی20 مرحلے میں بننے والے اہم ریکارڈ، پاکستانی کھلاڑی کہیں موجود نہیں
افغانستان کے کپتان راشد خان نے اس موقع پر گفتگو کرتے ہوئے کہا کہ ہم اچھی کرکٹ کھیلنے پر توجہ دے رہے ہیں، فی الحال سیمی فائنل کے بارے میں نہیں سوچا، ہم ورلڈ کپ کے سیمی فائنل میں پہنچے تھے، محنت کرنا ہمارا کام ہے۔
عمان کرکٹ ٹیم کے کپتان کا کہنا تھا کہ ہم نے 3 دفعہ ورلڈ کپ کھیلا ہے لیکن ایشیا کپ پہلی بار کھیل رہے ہیں، تاہم اس ایونٹ کے لیے تیار ہیں۔
اس موقع پر موجود تمام ٹیم کے کیپٹنز نے بہترین کارکردگی دکھانے کے عزم کا اظہار کیا۔
