دبئی انٹرنیشنل کرکٹ اسٹیڈیم میں ایشیا کپ 2025 کے گروپ اے کے 10ویں میچ میں پاکستان نے متحدہ عرب امارات (یو اے ای) کو 41 رنز سے شکست دے کر سُپر فور مرحلے کے لیے کوالیفائی کرلیا ہے۔ شاہین شاہ آفریدی کو بولنگ اور بیٹنگ میں شاندار کارکردگی پر مین آف میچ کا ایوارڈ دیا گیا۔
🌟 Man of the Match 🌟
Shaheen Shah Afridi for his quickfire 29 (14) and brilliant 2/16 👏#BackTheBoysInGreen | #PAKvUAE | #AsiaCup2025 pic.twitter.com/YtaXNmUz9q
— Pakistan Cricket (@TheRealPCB) September 17, 2025
یو اے ای نے ٹاس جیت کر فیلڈنگ کا فیصلہ کیا۔ پاکستان نے پہلے بیٹنگ کرتے ہوئے 20 اوورز میں 9 وکٹوں کے نقصان پر 146 رنز بنائے۔ فخر زمان نے شاندار 50 رنز کی اننگز کھیلی، جبکہ آخر میں شاہین شاہ آفریدی نے 14 گیندوں پر 29 رنز کی برق رفتار اننگز کھیل کر ٹیم کو معقول مجموعے تک پہنچایا۔
🌟 Pakistan defeat UAE by 41 runs and progress to the Super 4s in the ACC Men’s T20 Asia Cup 2025 🏏#BackTheBoysInGreen | #PAKvUAE | #AsiaCup2025 pic.twitter.com/2SOi1eKBVH
— Pakistan Cricket (@TheRealPCB) September 17, 2025
یو اے ای کی جانب سے جُنید صدیقی نے 4 وکٹیں حاصل کیں، جبکہ سمرنجیت سنگھ نے 3 کھلاڑیوں کو آؤٹ کیا۔
مزید پڑھیں:ایشیا کپ تنازع: میچ ریفری اینڈی پائی کرافٹ کی معافی مانگنے کی ویڈیو سامنے آگئی
ہدف کے تعاقب میں یو اے ای کی ٹیم 17.4 اوورز میں 105 رنز پر ڈھیر ہوگئی۔ وکٹ کیپر راہول چوپڑا نے سب سے زیادہ 35 رنز بنائے، جبکہ دھرو پَراشر نے 20 رنز کی مزاحمتی اننگز کھیلی۔
🇵🇰 Pakistan set a target of 1️⃣4️⃣7️⃣ for UAE, powered by Fakhar Zaman’s 5️⃣0️⃣ and Shaheen Afridi’s rapid 2️⃣9️⃣* runs⚡#BackTheBoysInGreen | #PAKvUAE | #AsiaCup2025 pic.twitter.com/OydmQwKESO
— Pakistan Cricket (@TheRealPCB) September 17, 2025
پاکستان کی جانب سے ابرار احمد اور شاہین شاہ آفریدی نے 2،2 کھلاڑیوں کو پویلین بھیجا، جبکہ حارث رؤف اور سائم ایوب کے حصے میں ایک ایک وکٹ آئی۔
اس کامیابی کے ساتھ پاکستان نے گروپ اے میں بھارت کے ساتھ سُپر فور مرحلے میں رسائی حاصل کرلی ہے۔
پاکستانی اسکواڈ
سلمان علی آغا (کپتان)، محمد نواز، شاہین شاہ آفریدی، صائم ایوب، محمد حارث (وکٹ کیپر)، خوشدل شاہ، فخر زمان، حسن نواز، ابرار احمد، حارث رؤف، صاحبزادہ فرحان
یو اے ای اسکواڈ
محمد وسیم (کپتان)، راہل چوپڑا، حیدر علی، سمرنجیت سنگھ، محمد روہید، محمد زوہیب، عالیشان شرفو، آصف خان، ہرشیت کوشک، دھرو پراشر، جنید صدیق
