پاکستان کرکٹ بورڈ نے واضح کیا ہے کہ جنوبی افریقہ کے خلاف ون ڈے سیریز کے لیے کپتان کی تبدیلی کا فیصلہ نہیں کیا گیا ہے۔
ترجمان پی سی بی کے مطابق ہیڈ کوچ مائیک میسن نے چیئرمین پی سی بی محسن نقوی کو باضابطہ طور پر خط لکھا ہے، جس میں جنوبی افریقہ کے خلاف سیریز کے لیے کپتان کا نام فائنل کرنے کے لیے سلیکشن اور ایڈوائزری کمیٹی کا مشترکہ اجلاس بلانے کی سفارش کی گئی ہے۔
یہ بھی پڑھیں: محمد رضوان کو ون ڈے ٹیم کی قیادت سے ہٹانے کا فیصلہ، نیا کپتان کون ہوگا؟
محسن نقوی نے خط دونوں کمیٹیوں کو بھجوا دیا ہے، جبکہ اجلاس 20 اکتوبر کو منعقد ہوگا، جس میں ون ڈے اسکواڈ اور قیادت کے حوالے سے حتمی فیصلے کیے جائیں گے۔
پی سی بی نے کہا ہے کہ جنوبی افریقہ کے خلاف ون ڈے ٹیم کی قیادت تبدیل کرنے کا فیصلہ نہیں کیا گیا ہے۔
یہ بھی پڑھیں: پاکستان اور جنوبی افریقہ کے مابین ٹی20 اور ون ڈے سیریز کے لیے ٹکٹس کا اعلان
یاد رہے کہ اس سے قبل میڈیا ذرائع سے خبر آئی تھی کہ پی سی بی نے محمد رضوان کو ون ڈے ٹیم کی قیادت سے ہٹانے کا فیصلہ کیا ہے۔
رپورٹ میں کہا گیا تھا کہ شاہین شاہ آفریدی کو قومی ون ڈے ٹیم کی قیادت سونپی جائے گی جبکہ سلمان علی آغا ٹی 20 ٹیم کے کپتان برقرار رہیں گے۔
