بلوچستان کے دارالحکومت کوئٹہ میں مغربی بائی پاس پر سینیٹر منظور کاکڑ کے بھائی نصیر خان کاکڑ پر قاتلانہ حملہ ہوا ہے، حملے کے نتیجے میں وہ زخمی ہوگئے ہیں۔
سینیٹر منظور خان کاکڑ نے اپنے بھائی کے زخمی ہونے کی تصدیق کرتے ہوئے کہا کہ نصیر خان کاکڑ گھر جا رہے تھے کہ راستے میں نامعلوم ملزمان نے فائرنگ کر دی۔
انکا کہنا تھا کہ فائرنگ کے نتیجے میں میرے بھائی کو ایک گولی لگی ہے جبکہ دو افراد اور بھی زخمی ہوئے ہیں۔
پولیس کے مطابق تمام زخمیوں کو اسپتال منتقل کر دیا گیا ہے۔
مزید پڑھیں
موجودہ سینیٹرمنظور احمد کاکڑ کا تعلق بلوچستان عوامی پارٹی سے ہے، 2013 سے 2018 تک بلوچستان اسمبلی کے ممبر اور وزیر بھی رہ چکے ہیں۔
