بلوچستان کے دارالحکومت کوئٹہ کے علاقے سریاب روڈ پر دو گروپوں میں تصادم ہوا ہے جس کے نتیجے میں 4 بھائی جاں بحق اور خاتون سمیت 8 افراد زخمی ہوگئے ہیں۔
پولیس نے بتایا ہے کہ سریاب کے علاقے گاہی خان چوک میں دو گروپوں کے درمیان تصادم ہوا ہے اور اس دوران فائرنگ کی گئی ہے۔
پولیس کے مطابق دو گروپوں کے درمیان ہونے والی فائرنگ کے نتیجے میں 4 افراد موقع پر جاں بحق ہو گئے جو بھائی تھے جبکہ خاتون سمیت 8 افراد زخمی ہوئے ہیں۔
واقعے کی اطلاع ملنے پر پولیس موقع پر پہنچی جہاں سے لاشوں اور زخمیوں کو سول اسپتال منتقل کیا گیا۔
جاں بحق ہونے والوں کی شناخت غلام فاروق، محمد دین، محمد حنیف اور نصراللہ کے نام سے ہوئی ہے۔
