ملتان انٹرنیشنل ایئر پورٹ پر جدید ترین فیشل ریکوگنیشن (چہرے کی شناخت کا) نظام فعال کر دیا گیا ہے۔ کراچی، لاہور اور اسلام آباد کے بعد ملتان چوتھا ائیر پورٹ ہے جہاں یہ ںظام نصب کیا گیا ہے۔
ترجمان سول ایویشن اتھارٹی کے مطابق جاپان انٹرنیشنل کوآپریشن سسٹم (JICS) نے ایف آئی اے اور سول ایوی ایشن اتھارٹی حکام کو ملتان ایئرپورٹ پر تربیت فراہم کی۔ یہ نظام بارڈر مینجمنٹ ایجنسیوں کے لیے انتہائی مددگار ثابت ہوگا۔
ترجمان کا کہنا تھا بارڈر مینیجمنٹ ایجنسیز اس نظام کی مدد سے غیر قانونی بین الاقوامی نقل و حرکت کو روک سکیں گی، پاکستان سول ایوی ایشن اتھارٹی اور جاپانی حکومت کے مابین ملکی ایئرپورٹس پر سیکیورٹی نظام میں مسلسل بہتری کے لیے تعاون جاری رہے گا۔
