قومی احتساب بیورو (نیب) نے 190 پاؤنڈ اسکینڈل کیس میں سابق وزیراعظم اور پاکستان تحریک انصاف کے چیئرمین عمران خان کو 23 مئی کو دوبارہ طلب کرلیا۔
عمران خان کو مذکورہ تاریخ کو دن کے 10بجے طلب کیا گیا ہے جبکہ نہیں 18مئی کو بھی بلایا گیا تھا لیکن وہ پیش نہیں ہوئے تھے۔
نیب کی 2 رکنی ٹیم عمران خان سے نوٹس وصول کروانے زمان پارک پہنچی تاہم عمران خان کے وکیل کی غیرموجودگی کے باعث نوٹس وصول کروائے بغیر واپس روانہ ہوگئی۔
زمان پاک کی سکیورٹی ٹیم نے نیب ٹیم کو جواب دیا کہ نیب کی ٹیم عمران خان کے وکیل سے رابطہ کرے۔
یاد رہے کہ 9 مئی کو گرفتار کیا تھا جس کے بعد ملک میں جلاؤ گھیراؤ اور فوجی تنصیبات و مقامات پر حملے ہوئے تھے تاہم سپریم کورٹ نے عمران خان کی گرفتاری کو غیر قانونی قرار دے دیا تھا جس پر وہ رہا ہوگئے تھے۔
