ڈپٹی وزیر اعظم و وزیرِ خارجہ سینیٹر محمد اسحاق ڈار نے یورپی یونین انڈو پیسفک فورم کے موقع پر سنگاپور کے وزیرِ خارجہ ڈاکٹر ویویان بالاکرنن اور بنگلادیش کے سفیر خندکر مسعودالاسلام سے غیر رسمی ملاقات کی۔
ملاقات کے دوران تینوں رہنماؤں نے مثبت مکالمے کے فروغ کی اہمیت پر زور دیا تاکہ باہمی اعتماد اور سمجھ بوجھ کو مزید مضبوط بنایا جا سکے۔ انہوں نے موجودہ علاقائی اور عالمی حالات پر بھی تبادلۂ خیال کیا اور مختلف مسائل پر اپنے اپنے نقطۂ نظر پیش کیے۔
یہ بھی پڑھیے: تقسیم اور طاقت کی دوڑ دنیا کے لیے خطرہ ہے، اسحاق ڈار
وزارتِ خارجہ کے مطابق اس ملاقات کا مقصد خطے میں تعاون بڑھانا، سفارتی روابط مضبوط کرنا اور مشترکہ چیلنجز سے نمٹنے کے لیے ہم آہنگی پیدا کرنا تھا۔
یہ غیر رسمی گفتگو برسلز میں جاری فورم کے سائیڈ لائنز پر ہوئی، جہاں دنیا کے مختلف ممالک کے وزرائے خارجہ اور نمائندے شرکت کر رہے ہیں۔
