بالی ووڈ اداکارہ انوشکا شرما نے حال ہی میں ایک انٹرویو میں تحائف وصول کرنے سے متعلق اپنی سوچ کا اظہار کرتے ہوئے کہا ہے کہ مجھے تحائف وصول کرنا بہت فضول لگتا ہے۔
ایک انٹرویو میں اداکارہ کا کہنا تھا کہ ’مجھے یہ تحائف کا فنڈا بہت ہی فضول لگتا ہے۔ اصل میں میرا ایک عجیب سا فلسفہ ہے۔ اگر کوئی لڑکا مجھے تحفہ دیتا، تو میں پہلے تو اسے قبول نہیں کرتی تھی، پھر قبول کر کے اس کی قیمت معلوم کرتی اور اس کے برابر یا اس سے زیادہ قیمت کا تحفہ واپس دیتی تھی۔ میں نہیں چاہتی کہ کوئی کہے کہ میں نے اس پر خرچ کیا ہے۔ یہ میرے لیے پیسوں والا مسئلہ ہے‘۔
یہ بھی پڑھیں: ویرات کوہلی کی 37ویں سالگرہ پر انوشکا شرما نے شادی سے متعلق اہم رازوں سے پردہ اٹھا دیا
کلینیکل ماہر نفسیات ڈاکٹر رمپا سرکار کے مطابق اس طرح کا رویہ عموماً ان افراد میں دیکھا جاتا ہے جو تحائف وصول کرتے وقت خود کو مقروض یا کمزور محسوس کرتے ہیں۔ ان کا کہنا تھا کہ ’کچھ افراد، خاص طور پر جو اپنی خودمختاری کو اہمیت دیتے ہیں یا کسی کی توقعات کا تجربہ کرچکے ہیں، انہیں تحفہ وصول کرنا پریشان کن لگسکتا ہے، کیونکہ یہ ان کی خود کی قدر یا وقار کو متاثر کر سکتا ہے‘۔
ان کے مطابق اس رویے کے پیچھے یہ خوف بھی ہو سکتا ہے کہ لوگ انہیں بوجھ یا ’گولڈ ڈِگر‘ کے طور پر دیکھیں، کمزوری کے لیے برداشت کم ہونا، یا یہ یقین کہ تعلقات کو ہمیشہ جذباتی اور مالی طور پر متوازن رکھنا ضروری ہے تاکہ محفوظ رہیں۔
یہ بھی پڑھیں: ویرات کوہلی اور انوشکا شرما کو بیرون ملک کیفے سے کیوں نکلنا پڑا؟
ان کا کہنا تھا کہ تحفے کے بدلے فوری طور پر برابر یا زیادہ قیمت کا تحفہ دینا اکثر ایک طریقہ بن جاتا ہے تاکہ یہ یقین دلایا جا سکے کہ وہ کسی کی مہربانی کا فائدہ نہیں اٹھا رہے۔
