انتھونی البانیز وزیراعظم کے عہدے پر رہتے ہوئے شادی کرنے والے پہلے آسٹریلوی رہنما بن گئے ہیں۔ آسٹریلوی وزیراعظم نے کینبرا میں واقع اپنی سرکاری رہائش گاہ دی لاج میں ایک مختصر اور نجی تقریب کے دوران جوڈی ہیڈن کے ساتھ ازدواجی زندگی کا آغاز کیا۔
یہ بھی پڑھیں:آسٹریلیا میں انتخابات، وزیرِاعظم انتھونی البانیز کی جماعت نے دوسری بار میدان مار لیا
تقریب میں قریبی رشتہ داروں اور چند منتخب دوستوں نے شرکت کی، جبکہ شادی کی تاریخ اور تمام انتظامات کو مکمل طور پر خفیہ رکھا گیا تھا۔
I love you, Jodie. pic.twitter.com/kRow1FZhWP
— Anthony Albanese (@AlboMP) November 29, 2025
اس موقع پر البانیز کا بیٹا نیتھن بھی موجود تھا، اور وزیراعظم کا پالتو کتا بھی خوشی کے اس لمحے میں شامل رہا۔ دلہن جوڈی ہیڈن کی 5 سالہ بھانجی ایلا نے فلاور گرل کا کردار نبھایا اور پوری تقریب میں سب کی توجہ کا مرکز بنی رہیں۔
Australian Prime Minister Anthony Albanese has married his partner Jodie Haydon, making him the first sitting PM in the country’s history to wed while in office.#PakistanConnect pic.twitter.com/vDvvl5AuzW
— Pakistan Connect (@Pak_Connect) November 29, 2025
وزیراعظم ہاؤس کے مطابق البانیز اور ہیڈن پیر سے جمعہ تک آسٹریلیا کے اندر ہی نجی خرچ پر ہنی مون منائیں گے۔ البانیز نے گزشتہ سال ویلنٹائنز ڈے کے موقع پر ہیڈن کو شادی کی پیشکش کی تھی جس کے بعد ان کی شادی کا اعلان اسی سال متوقع تھا۔
یہ بھی پڑھیں: 15 لاکھ آسٹریوی شہری خطرے میں: سمندر کی سطح میں خطرناک اضافے کی پیشگوئی
وزیراعظم کے دفتر کا کہنا ہے کہ دونوں اپنے پیار اور ایک دوسرے کے ساتھ زندگی گزارنے کے عزم کو اپنے چاہنے والوں کے سامنے پیش کرنے پر بے حد خوش ہیں۔
