وفاقی وزیر اطلاعات عطا اللہ تارڑ نے کہا ہے کہ پی ٹی آئی والے دشمنوں سے مل کر جو مہم چلا رہے ہیں اس سے وہ خود ایکسپوز ہورے ہیں۔
ویڈیو پیغام جاری کرتے ہوئے انہوں نے کہا کہ اب فیچر آ گیا ہے کہ جو اکاؤنٹ جہاں سے آپریٹ ہو رہا ہو پتا لگ جاتا ہے، فوج کے خلاف زہر اگلنے والے پی ٹی آئی، پی ٹی ایم اور بلوچ اکاؤنٹس سارے بھارت اور افغانستان سے آپریٹ ہو رہے ہیں۔
یہ بھی پڑھیے: پی ٹی آئی کے سوشل میڈیا اکاؤنٹس پاک فوج اور فیلڈ مارشل کو ٹارگٹ کرتے ہیں، وفاقی وزیر اطلاعات عطا تارڑ
وفاقی وزیر نے کہا کہ وزیراعظم شہبازشریف نے اس پر بہت کھل کر بات کی ہے، جو پروپیگنڈا کر رہے ہیں اور زہر اگل رہے ہیں انکو بھرپور نکیل ڈالیں گے۔ پی ٹی آئی کا افغانستان اور انڈیا کے ساتھ گٹھ جوڑ ہے، وہ کوشش کر رہے ہیں کہ سب کی توجہ اڈیالا جیل کی طرف جائے اور اس لیے انڈیا اور افغانستان سے مہم چلوائی جارہی ہے۔
عطا تارڑ نے کہا کہ ان کی کوشش ہے کہ توجہ دہشتگردی پر نہ ہو اور ساری توجہ فوج پر ہو، ہمیں آپ کی گالیوں سے کوئی فرق نہیں پڑے گا، ہم نے اپنے سے 4 گنا بڑے دشمن کو شکست دی ہے آپ کی مہم سے کوئی فرق نہیں پڑے گا۔
یہ بھی پڑھیے: پی ٹی آئی 26 نومبر کو ملک گیر احتجاج کیوں نہ کر سکی؟
انہوں نے کہا کہ پی ٹی آئی والے دشمنوں سے مل کر جو مہم چلا رہے ہیں اس سے وہ خود ایکسپوز ہورے ہیں اور ان کے مذموم عزائم لوگوں کے سامنے آچکے ہیں۔
