امریکی سینٹرل کمانڈ اور بحرین نے پیر کے روز ال بار کیمپ میں دو طرفہ مشترکہ فضائی دفاعی کمانڈ پوسٹ کا افتتاح کر دیا۔
یہ اقدام اُس وقت سامنے آیا ہے جب صرف ایک ماہ قبل امریکا نے قطر کے ساتھ بھی اسی نوعیت کا تعاون شروع کیا تھا۔
یہ بھی پڑھیں: مشرق وسطیٰ میں امریکا کے جنگی اثاثے کیا ہیں اور کہاں کہاں موجود ہیں؟
سینٹ کام کے مطابق، اس مرکز میں امریکا اور بحرین کی فورسز مشترکہ طور پر خدمات انجام دیں گی اور یہ مقام فضائی دفاع کی مربوط منصوبہ بندی اور آپریشنز کا مرکزی مرکز ہوگا۔
His Royal Highness the Crown Prince, Deputy Supreme Commander of the Armed Forces and Prime Minister, #Salman_bin_Hamad Al Khalifa, attends the Combined Command Post Opening Ceremony at Ras Al Bar Camp, held under His patronage.
The Post is established as a result of the solid… pic.twitter.com/VDs9mn7YRN— أخبار سمو ولي العهد (@BahrainCPnews) December 1, 2025
امریکا کے غیر نیٹو اتحادی ہونے کے ناطے بحرین پہلے ہی امریکی بحریہ کے ففتھ فلیٹ اور 47 ممالک پر مشتمل مشترکہ میری ٹائم فورسز کی میزبانی کرتا ہے۔
ملک میں اس وقت تقریباً 9 ہزار امریکی فوجی اہلکار تعینات ہیں۔
افتتاحی تقریب میں سینٹ کام کے کمانڈر ایڈمرل بریڈ کوپر اور بحرین کے ولی عہد و وزیراعظم سلمان بن حمد آل خلیفہ نے شرکت کی۔
مزید پڑھیں:امریکا اور برطانیہ کے یمن میں حوثی ملیشیا کے 36 ٹھکانوں پر حملے
ایڈمرل کوپر نے اس موقع پر کہا کہ علاقائی سیکیورٹی کے لیے بحرین کئی دہائیوں سے امریکا کا لازمی شراکت دار رہا ہے۔
’نئی مشترکہ کمانڈ پوسٹ فضائی دفاع کے علاقائی ڈھانچے کو مضبوط بنانے کی جانب ایک اہم قدم ہے۔‘
جوہری تعاون معاہدہ
گزشتہ جولائی میں امریکا اور بحرین نے جوہری توانائی کے شعبے میں تعاون سے متعلق ایک مفاہمتی یادداشت پر دستخط کیے تھے۔
اس موقع پر امریکی وزیر خارجہ مارکو روبیو، بحرینی وزیر خارجہ ال زیانی، صدر ڈونلڈ ٹرمپ اور شہزادہ سلمان بن حمد نے بھی شرکت کی۔
قطر کے ساتھ دوسری کمانڈ پوسٹ
یہ مشرق وسطیٰ میں سینٹ کام کا دوسرا 2 طرفہ فضائی دفاعی کمانڈ پوسٹ ہے۔
اس سے قبل 3 نومبر کو امریکا اور قطر نے العديد ایئر بیس پر ایک مشترکہ پوسٹ قائم کی تھی، جہاں 10 ہزار امریکی فوجی تعینات ہیں۔
سینٹ کام کا دائرہ اختیار
فلوریڈا کے میک ڈِل ایئر فورس بیس میں قائم سینٹ کام امریکا کی محکمہ دفاع کی 11 مشترکہ کمانڈز میں سے ایک ہے، جس کا دائرہ اختیار 21 ممالک پر مشتمل ہے، جن میں عراق، ایران، سعودی عرب، افغانستان، پاکستان، شام، اردن اور مصر شامل ہیں۔
یہ کمانڈ آرمی، نیوی، ایئر فورس، میرین کور اور اسپیس فورس کے اہلکاروں پر مشتمل ہے۔
مزید پڑھیں: اسلام آباد ایئر پورٹ: بحرین جانے والے مسافر کے ٹرالی بیگ سے 2 کلو 8 سو 36 گرام آئس برآمد
1983 میں قیام کے بعد سے سینٹ کام نے متعدد بڑے آپریشنز کی قیادت کی ہے، جن میں آپریشن ڈیزرٹ اسٹورم (1991)، افغان جنگ (2001–2021)، عراق جنگ (2023) اور داعش کے خلاف ’آپریشن انہیرنٹ ریزولو‘ (2014) شامل ہیں۔
حالیہ برسوں میں ایران اور اسرائیل کے درمیان کشیدگی کے دوران بھی سینٹ کام نے کلیدی کردار ادا کیا۔
حوثیوں کے خلاف مشترکہ اقدامات
امریکا اور بحرین اُن ممالک میں شامل تھے جنہوں نے دسمبر 2023 میں ’آپریشن پراسپیرٹی گارڈین‘ کا آغاز کیا، جس کا مقصد یمن میں حوثی باغیوں کی جانب سے بحری جہاز رانی پر حملوں کا جواب دینا تھا۔
اس اتحاد میں کینیڈا، فرانس، اٹلی، نیدرلینڈز، ناروے، سیشلز اور اسپین بھی شامل تھے۔
اپریل میں برطانوی افواج نے بھی یمن میں ایک حوثی ہدف پر امریکی افواج کے ساتھ مشترکہ کارروائی میں حصہ لیا۔
