خواجہ آصف نے پی ٹی آئی پر تنقید کرتے ہوئے کہا کہ وہ دشمن کی زبان بول رہی ہے۔
وزیر دفاع خواجہ آصف نے سیالکوٹ میں میڈیا سے گفتگو کرتے ہوئے پاکستان تحریک انصاف (پی ٹی آئی) سے کہا کہ وہ شہدا کو احترام دیں اور دہشتگردوں کے لیے ہمدردی نہ دیکھائیں۔
یہ بھی پڑھیے: پاکستان سے بڑھ کر کچھ نہیں، ایک شخص اپنی ذات کا قیدی، اس کی شعبدہ بازی اور سیاست ختم ہوگئی، ڈی جی آئی ایس پی آر
انہوں نے کہا کہ ڈی جی آئی ایس پی آر نے اپنی پریس کانفرنس میں پی ٹی آئی کے لیے ‘محتاظ زبان’ استعمال کی لیکن مجھے آزادی ہے کہ اینٹ کا جواب پتھر سے دوں۔
خواجہ آصف نے کہا کہ عمران خان کی ہمشیرہ علیمہ خان غیرسیاسی خاتون ہے لیکن جو گفتگو انہوں نے بھارتی میڈیا پر جاکر کی کیا وہ کوئی محب وطن پاکستانی کرسکتا ہے؟ دشمن ممالک نے بھی ہماری شہادتوں پر رنج کا اظہار کیا لیکن اندرون خانہ کچھ سیاسی لوگ وہ کردار ادا نہ کرسکے۔
یہ بھی پڑھیے: سیاسی درجہ حرارت بڑھنے لگا، پی ٹی آئی کا مستقبل اب کیا ہوگا؟
وزیر دفاع نے کہا کہ عمران خان ہر موضوع پر بات کرتا ہے لیکن پاک انڈیا جنگ کے دوران فوج کے حق میں کیوں نہیں بولا؟ اب کیسے کہہ سکتے ہیں کہ ڈی جی آئی ایس پی آر کو یہ بات نہیں کرنی چاہیے؟
انہوں نے پی ٹی آئی کو مشورہ دیا کہ سیاست کریں لیکن ملکی حمیت کو نہ للکاریں۔
