نیوزی لینڈ کے رچمنڈ میں واقع کرافٹ بیئر بار ’اسپرگ اینڈ فر دی میڈوز‘ میں ایک غیر معمولی مہمان نمودار ہوا جب ایک بچہ فر سیل اندر گھومتا ہوا نظر آیا۔ بار کی سکیورٹی کیمرا فوٹیج اس لمحے کو قید کر کے سوشل میڈیا پر شیئر کی گئی، جس نے صارفین کو حیران کر دیا۔
یہ بھی پڑھیں: برطانیہ میں 11 سالہ بچے نےسمندری مخلوق کی 202 ملین سالہ پرانی باقیات دریافت کر لیں
بار کی شریک مالک بیلا ایونز نے بتایا کہ لوگ پہلے اسے کتا سمجھ بیٹھے کیونکہ یہ بار کتوں کے لیے دوستانہ ہے۔
فر سیل تقریباً 25 منٹ تک بار میں رہا، جس کے بعد اسے ایک شخص نے مہارت سے ڈاگ کریٹ میں بند کردیا۔
یہ بھی پڑھیں: لوبسٹر لورنزو کی 110 سال بعد آزادی، سمندر میں واپس چھوڑا گیا
بعد ازاں، محکمہ تحفظ ماحولیات کے رینجر نے سیل کو اٹھا کر ریبٹ آئی لینڈ میں چھوڑ دیا، جو اپنی محفوظ ماحول اور کتے نہ ہونے کی وجہ سے سیل کے لیے موزوں ہے۔
یہ واقعہ نہ صرف حیران کن تھا بلکہ لوگوں کے لیے یادگار لمحہ بھی بن گیا۔
