حب آٹو کراس ریلی کا ڈی ایچ اے سٹی میں سجنے والا میلہ شامیق سعید نے لوٹ لیا، نوجوان ریسر نہ صرف پری پیئرڈ کیٹیگری میں سرفہرست رہے بلکہ ریس کی تمام کیٹیگریز کے مقابلے میں بھی سب سے کم وقت پر ٹریک عبور کیا۔
1.2 کلو میٹر کے مختصر مگر مشکل ٹریک پر 50 سے زیادہ ریسرز نے اپنی قسمت آزمائی، واحد خاتون ریسر لائبہ حسین نے بھی اپنی ڈرائیونگ کی مہارت دکھائی ۔
شامیق سعید نے مقررہ فاصلہ 47 اشاریہ 54 سیکنڈز میں طے کرکے نہ صرف پری پیئرڈ اے کیٹیگری میں ٹاپ پوزیشن حاصل کی بلکہ نوجوان ریسر نے ’فاسٹیٹ ریسر آف دا ڈے‘ کا ایوارڈ بھی جیت لیا۔
پری پئیرڈ بی کیٹگری میں عمر کھوڑو فاتح رہے، روکی کیٹگریز میں دانیال احمد فاتح رہے، پری پئیرڈ ڈی کیٹگری میں فراز شیروانی ٹاپ پر رہے، اسٹاک اے میں مبشر شیخ، اسٹاک بی میں یاسر اور اسٹاک سی میں عاصم اور اسٹاک ڈی کیٹیگری میں سالک ساجد نے فتح اپنے نام کی۔
چیف آرگنائزر شجاعت شیروانی کہتے ہیں ریسرز کی بڑی تعداد میں شرکت اور انتہائی دلچسپ مقابلوں کے باعث ایونٹ کو چار چاند لگ گئے۔ جب کے واحد خاتون ریسر کا کہنا تھا کہ ایسے ایونٹس میں خواتین کو شرکت کرنی چاہیے۔
