اسلام آباد پولیس نے شہریوں کو آگاہ کیا ہے کہ آج شام کاک پل سے روات ٹی کراس تک ایکسپریس ہائی وے پر ٹریفک کی روانی متاثر ہوگی۔ ڈائیورشن پلان کے تحت شہریوں کو متبادل راستے استعمال کرنے کی ہدایت کی گئی ہے۔
یہ بھی پڑھیں:اسلام آباد پولیس کی کارروائی، دہرے قتل کا مجرم گرفتار
اسلام آباد پولیس کے مطابق، کاک پل سے روات ٹی کراس تک ٹریفک شام 3 بجے سے 5 بجے تک متاثر رہے گی۔ شہریوں کے لیے متبادل راستے درج ذیل ہیں:
اسلام آباد سے کاک پل اور روات جانے والے افراد کاک پل سے کہوٹہ روڈ، ماڈل ٹاؤن، ہمک، اور جی ٹی روڈ کے ذریعے سفر کر سکتے ہیں۔
روات جی ٹی روڈ سے آنے والی ٹریفک سواں راولپنڈی کی جانب جا سکتی ہے۔
اسلام آباد ٹریفک پولیس کے افسران متاثرہ علاقوں میں موجود رہیں گے اور شہریوں کو ہدایات فراہم کریں گے۔ شہریوں کو ہدایت کی گئی ہے کہ وہ اپنے سفر کے لیے 20 سے 25 منٹ اضافی وقت نکالیں۔
مزید معلومات اور اپ ڈیٹس کے لیے شہری ٹریفک ہیلپ لائن 1915 یا پکار 15 پر رابطہ کر سکتے ہیں۔
