بھارت کے معروف بلے باز ویرات کوہلی نے ایک اور سنگِ میل عبور کرتے ہوئے سابق کپتان سچن ٹنڈولکر کا ریکارڈ ریکارڈ اپنے نام کرلیا۔
ڈومیسٹک لسٹ اے ٹورنامنٹ وجے ہزارے ٹرافی میں دہلی کی نمائندگی کرتے ہوئے ویرات کوہلی نے بنگلور میں کھیلے گئے میچ کے دوران شاندار سینچری اسکور کی۔ یہ ان کی لسٹ اے کرکٹ میں مجموعی طور پر 58ویں سینچری ثابت ہوئی۔
اس اننگز کے ساتھ ہی ویرات کوہلی نے لسٹ اے کرکٹ میں 16 ہزار رنز کا ہندسہ بھی عبور کر لیا اور یہ سنگِ میل سب سے کم اننگز میں مکمل کرنے والے کھلاڑی بن گئے۔
Virat Kohli (330 innings) beats Sachin Tendulkar (391 innings) to become the fastest to 16,000 runs in men’s List A cricket ⚡
In men’s List A cricket, he is now the fastest to:
◾ 10k
◾ 11k
◾ 12k
◾ 13k
◾ 14k
◾ 15k
◾ 𝟏𝟔𝐤 pic.twitter.com/2UfJ278d3P— ESPNcricinfo (@ESPNcricinfo) December 24, 2025
انہوں نے یہ اعزاز 330 اننگز میں حاصل کیا، جبکہ اس سے قبل یہ ریکارڈ سچن ٹنڈولکر کے پاس تھا جنہوں نے 391 اننگز میں 16 ہزار رنز بنائے تھے۔
واضح رہے کہ ویرات کوہلی پہلے ہی لسٹ اے کرکٹ میں تیز ترین 10 ہزار سے لے کر 15 ہزار رنز مکمل کرنے کا اعزاز اپنے نام کر چکے ہیں، اور اب ایک اور نمایاں ریکارڈ ان کے کیریئر میں شامل ہو گیا ہے۔
