انڈر 19 سہ ملکی سیریز کے فائنل میں پاکستان نے زمبابوے کو 9 وکٹوں سے شکست دے کر ٹائٹل اپنے نام کرلیا۔
ہرارے میں کھیلے جانے والے اس فیصلہ کن میچ میں پاکستان نے ٹاس جیت کر پہلے فیلڈنگ کا انتخاب کیا، جو ٹیم کے لیے سودمند ثابت ہوا۔
🔥 Pure dominance! Sameer Minhas’ record-breaking 💯 powers Pakistan U19 to the tri-series final win in just 16.2 overs 🏏#ZIMvPAK | #PakistanFutureStars pic.twitter.com/RGBj9QMRX3
— Pakistan Cricket (@TheRealPCB) January 6, 2026
زمبابوے نے پہلے کھیلتے ہوئے پاکستان کو جیت کے لیے 159 رنز کا ہدف دیا تھا، جبکہ جواب میں قومی ٹیم نے ہدف 16.2 اوورز میں ایک وکٹ کے نقصان پر پورا کرلیا۔
زمبابوے کی اننگز
پاکستانی بولر عمر زیب نے ابتدائی اوورز میں ہی زمبابوے کے ٹاپ آرڈر کو آؤٹ کرکے میچ پر گرفت مضبوط کر لی، محض 15 رنز کے مجموعی اسکور پر زمبابوے کی 5 وکٹیں گر چکی تھیں۔
بعد ازاں مائیکل بلگناٹ نے 60 رنز کی ذمہ دارانہ اننگز کھیلی جبکہ ٹٹنڈا چیموگورو 28 رنز کے ساتھ ناٹ آؤٹ رہے، جن کی بدولت زمبابوے کی ٹیم 158 رنز کا مجموعہ قائم کرنے میں کامیاب ہوئی۔
Umar Zaib Afridi rattles the Zimbabwe U19 top order in the tri-series final🔥
The right-arm pacer from Swabi idolises Pat Cummins and has shown the ability to swing the ball both ways. Impressive since his Pakistan U19 debut last year, he looks a talent to watch out for.✨ pic.twitter.com/0pG1klquHb
— Pavilion Post (@CricinsightsX) January 6, 2026
پاکستان کی جانب سے عمر زیب نے 4 کھلاڑیوں کو آؤٹ کیا، عبدالسبحان نے 2 وکٹیں حاصل کیں جبکہ محمد صیام، دانیال علی خان اور احمد حسین نے ایک ایک وکٹ اپنے نام کی۔
پاکستان کی اننگز
پاکستان کی جانب سے سمیر منہاس نے 114 رنز کی شاندار اننگز کھیلی، ان کی اننگز میں 17 چوکے اور 5 چھکے شامل ہیں، جبکہ محمد شایان نے 38 رنز بنائے۔
