مسلم لیگ ن کے قائد نواز شریف کے نواسے اور وزیر اعلیٰ پنجاب مریم نواز کے صاحبزادے جنید صفدر کی شادی کی تقریبات کا باقاعدہ آغاز ہو گیا ہے۔ اس سلسلے کی پہلی تقریب مہندی کی صورت میں رات گئے جاتی عمرہ میں منعقد ہوئی، جس میں قریبی رشتہ داروں، عزیز و اقارب اور دونوں خاندانوں کے معزز افراد نے شرکت کی۔
Elegant and heartwarming moments mark the beginning of a new chapter as Junaid Safdar, grandson of former Prime Minister Mian Muhammad Nawaz Sharif @NawazSharifMNS and son of Chief Minister Punjab Maryam Nawaz Sharif, @MaryamNSharif embarks on a new journey of life with Shanzeh… pic.twitter.com/nksiC8EVyN
— Azhar Javaid (@azharjavaiduk) January 16, 2026
جنید صفدر اور شانزے علی روحیل کی مہندی کی تقریب جاتی عمرہ میں سجائی گئی، جہاں شریف خاندان اور شیخ روحیل اصغر فیملی کے افراد نے شرکت کی۔ تقریب کو روایتی اور خوشگوار انداز میں منعقد کیا گیا، جس میں معروف رقاص وہاب شاہ کو خصوصی طور پر مدعو کیا گیا۔ وہاب شاہ نے مہندی کے فنکشن میں پرفارم کیا، جسے شرکا نے خوب سراہا۔
یہ بھی پڑھیں:مریم نواز کے بیٹے جنید صفدر کی دوسری شادی کا کارڈ سوشل میڈیا پر وائرل
مہندی کی تقریب میں تقریباً 350 مہمانوں کے لیے ضیافت کا اہتمام کیا گیا۔ کھانوں کی تیاری میں شریف خاندان کی جانب سے روایتی اور دیسی ذائقوں کو ترجیح دی گئی۔ مہمانوں کی تواضع سوپ، چکن دم پورہ، دال گوشت، آلو گوشت، وائٹ رائس، باربی کیو، گاجر کا حلوہ اور دال کے حلوے سے کی گئی۔
Picture-perfect moments as Junaid Safdar, grandson of Mian Muhammad Nawaz Sharif @NawazSharifMNS and son of CM Punjab Maryam Nawaz Sharif, @MaryamNSharif begins a new chapter with Shanzeh Ali Rohail.#JunaidSafdar #ShanzehAliRohail #MaryamNawaz pic.twitter.com/xnirQArI8q
— Azhar Javaid (@azharjavaiduk) January 16, 2026
شادی کی تقریبات کے شیڈول کے مطابق جنید صفدر کی بارات آج 17 جنوری کو دوپہر ایک بجے لیک سٹی جائے گی، جس میں شریف خاندان اور قریبی عزیز و اقارب کو مدعو کیا گیا ہے۔ بارات کے موقع پر تقریباً 400 مہمانوں کے لیے ضیافت رکھی گئی ہے۔
جنید صفدر کا ولیمہ 18 جنوری کو جاتی عمرہ فارمز میں منعقد ہوگا، جس میں 800 مہمانوں کو مدعو کیا گیا ہے۔ ولیمے کی تقریب میں وزیر اعظم شہباز شریف، وفاقی و صوبائی وزراء اور دیگر اہم سیاسی و سماجی شخصیات کی شرکت متوقع ہے۔
