امریکا کی فیڈرل ایوی ایشن ایڈمنسٹریشن (ایف اے اے) نے ہوائی کمپنیوں کو خبردار کیا ہے کہ وہ میکسیکو، وسطی امریکا اور جنوبی امریکا کے کچھ علاقوں کے اوپر پروازوں میں احتیاط برتیں، کیونکہ فوجی سرگرمیوں اور نیویگیشن میں خلل کا خدشہ موجود ہے، جس سے پروازوں کے دوران ممکنہ خطرات پیدا ہو سکتے ہیں۔
یہ بھی پڑھیں:ڈیلٹا ایئر لائنز کے طیارے کو شدید طوفانی جھکڑ کا سامنا، 25 مسافر زخمی، ہنگامی لینڈنگ
ایف اے اے نے جمعہ کو ایک سلسلہ وار نوٹم (Notices to Airmen) جاری کیے ہیں جو میکسیکو، وسطی امریکا کے ممالک، ایکواڈور، کولمبیا اور مشرقی پیسفک کے متعدد فضائی حدود پر پرواز کرنے والی ایئرلائنز کے لیے احتیاط کا مشورہ دیتے ہیں۔ ان وارننگز کا اطلاق 16 جنوری سے شروع ہو کر 60 دن تک جاری رہے گا۔
DEVELOPING: The FAA is warning U.S. airlines that "potential risks exist for aircraft at all altitudes" over wide swaths of Pacific airspace near Mexico, Central America, and South America because of military activity and possible satellite navigation interference. pic.twitter.com/s5zwirgvMW
— Pete Muntean (@petemuntean) January 16, 2026
ایوی ایشن اتھارٹی نے کہا ہے کہ یہ وارننگ ممکنہ فوجی سرگرمیوں اور GPS/سیٹلائٹ نیویگیشن میں مداخلت جیسے خدشات کی بنیاد پر جاری کی گئی، جو ہوائی جہازوں کے تمام الٹیٹیوڈز (ارتفاعات) پر رسک پیدا کر سکتے ہیں، خاص طور پر اوور فلائٹ، ایئرپورٹ پر آمد و روانگی کے دوران۔
عالمی صدراتی سطح پر بڑھتی ہوئی تناؤ اور فوجی قوت کی تعیناتی کے درمیان یہ انتباہ سامنے آیا ہے۔ گزشتہ ماہ جب امریکا نے وینزویلا میں فوجی کارروائی کی اور صدر نیکولس مادورو کو حراست میں لیا، تو ایف اے اے نے کیریبئن کے اوپر بھی پروازوں پر احتیاطی پابندیاں عائد کی تھیں۔
یہ بھی پڑھیں:ڈیلٹا ایئرلائنز کے طیارے میں آگ بھڑک اٹھی، ویڈیو وائرل
میکسیکو کی حکومت نے ایف اے اے کی وارننگ کو احتیاطی اقدام قرار دیتے ہوئے کہا ہے کہ ملک کی فضائی حدود یا مقامی ایئر لائنز پر کوئی پابندی عائد نہیں کی گئی ہے، اور فضائی آپریشن معمول کے مطابق جاری رہتا ہے۔
ایف اے اےکے اس اقدام کا مقصد ہوابازی کی حفاظت کو یقینی بنانا ہے اور ہوائی کمپنیوں کو ممکنہ خطرات سے آگاہ کرنا ہے تاکہ وہ روٹس اور آپریشنز کو مناسب طریقے سے منظم کر سکیں۔
ا
