ڈیلٹا ایئر لائنز کی اٹلانٹا جانے والی ایک طیارے کو پرواز کے فوراً بعد انجن میں آگ لگنے کے باعث لاس اینجلس انٹرنیشنل ایئرپورٹ پر ہنگامی لینڈنگ کرنا پڑی۔
یہ بھی پڑھیں:ایئر انڈیا حادثے میں نیا موڑ: طیارے کے تباہی کی ایک اور وجہ سامنے آگئی
ویڈیو میں دیکھا جا سکتا ہے کہ پرواز DL446، جو بوئنگ 767-400 (رجسٹریشن نمبر N836MH) پر مشتمل تھی، فضا میں پرواز کے دوران طیارے کے بائیں انجن سے شعلے نکل رہے تھے۔
❗️Boeing 787 Makes Emergency Landing in LA 🇺🇸 – Engine ON FIRE 🔥
Video claims to show a Delta Airlines flight bound for Atlanta on Friday making an emergency landing at LAX. The engine reportedly caught fire shortly after take-off.
📹 @LAFlightsLIVE https://t.co/t1HBVLDi0P pic.twitter.com/vYNgkpZJcq
— RT_India (@RT_India_news) July 19, 2025
خوش قسمتی سے کوئی جانی نقصان نہیں ہوا، اور رن وے پر موجود فائر بریگیڈ نے فوری طور پر آگ پر قابو پا لیا۔
ایوی ایشن نیوز سائٹ Aviation A2Z کے مطابق طیارہ جیسے ہی لاس اینجلس ایئرپورٹ سے اڑا، اس کے انجن میں آگ بھڑک اٹھی۔
پائلٹ نے فوری طور پر ایمرجنسی کا اعلان کیا اور واپس لینڈنگ کی تیاری شروع کی۔ ایئر ٹریفک کنٹرول (ATC) نے طیارے کو واپس ایئرپورٹ کی جانب رہنمائی دی اور زمینی ایمرجنسی سروسز کو الرٹ کر دیا۔
فلائٹ ریڈار 24 کے ڈیٹا سے پتا چلتا ہے کہ پرواز DL446 پہلے بحرالکاہل کی جانب بڑھی، پھر زمین پر واپس آنے سے قبل Downey اور Paramount کے علاقوں کے اوپر چکر لگایا تاکہ عملہ حفاظتی چیک مکمل کر سکے اور محفوظ لینڈنگ کو یقینی بنایا جا سکے۔ اس دوران طیارہ مناسب بلندی اور رفتار برقرار رکھے رہا۔
یہ بھی پڑھیں:’ایئر انڈیا کی ٹکٹ لو اور واپس جاؤ‘، سکھ فار جسٹس کی کینیڈین ہندو کمیونٹی پر تنقید
آگ لگنے کی وجہ تاحال معلوم نہیں ہو سکی، جبکہ فیڈرل ایوی ایشن ایڈمنسٹریشن (FAA) نے واقعے کی تحقیقات شروع کر دی ہیں۔ یہ طیارہ تقریباً 25 سال پرانا ہے اور اس میں جنرل الیکٹرک CF6 انجن نصب ہیں۔
یہ پہلا موقع نہیں جب ڈیلٹا ایئر لائنز کو اس نوعیت کے واقعے کا سامنا ہوا ہو۔ رواں سال اپریل میں بھی ڈیلٹا کا ایک اور طیارہ، جو ایئر بس A330 تھا، اورلینڈو انٹرنیشنل ایئرپورٹ پر روانگی کی تیاری کے دوران انجن میں آگ لگنے کے واقعے کا شکار ہوا۔ اس پرواز میں 282 مسافر، 10 فضائی میزبان اور 2 پائلٹس سوار تھے، تاہم اس واقعے میں بھی کوئی زخمی نہیں ہوا تھا۔
