پاکستان کی مشہور ٹک ٹاکر اور سوشل میڈیا انفلوئنسر جنت مرزا کی بہن علشبہ انجم نے اپنی شادی کے موقع پر سادگی اختیار کرنے کا ارادہ ظاہر کیا ہے۔
انٹرنیٹ سیلیبریٹیز کے پرتعیش انداز کی شادیوں کے رجحان کے برخلاف علشبہ نے بتایا کہ وہ محدود بجٹ میں نکاح اور ولیمے کی تقریب رکھیں گی۔
حالیہ گفتگو کے دوران انہوں نے کہا ہ شادی قریباً 20 سے 30 لاکھ روپے کے بجٹ میں ہوگی اور یہ تقریب صرف 2 اہم مراحل تک محدود رہے گی، یعنی نکاح اور ولیمہ، تاکہ غیر ضروری دکھاوے سے گریز کیا جا سکے۔
اسی دوران علشبہ نے اپنے ملبوسات کی قیمتوں کی تفصیل بھی شیئر کی۔ ان کے مطابق جاپان سے خریدی گئی جینز کی قیمت 20 ہزار روپے، شرٹ 10 ہزار روپے اور جوتوں کی قیمت تقریباً 25 ہزار روپے ہے۔
View this post on Instagram
علشبہ کی یہ ویڈیو سوشل میڈیا پر سامنے آتے ہی وائرل ہو گئی اور صارفین نے مختلف ردعمل ظاہر کیے۔
کئی افراد نے ان کے سادگی کے فیصلے کی تعریف کی، جبکہ کچھ نے حیرت کا اظہار کرتے ہوئے سوال اٹھایا کہ 20 سے 30 لاکھ روپے کے بجٹ کو واقعی سادہ شادی کہا جا سکتا ہے یا نہیں۔
علشبہ انجم سوشل میڈیا پر غیر معمولی مقبولیت رکھتی ہیں، ان کے انسٹاگرام پر 30 لاکھ سے زیادہ اور ٹک ٹاک پر 2 کروڑ کے قریب فالورز ہیں۔
