ہر وہ لڑکی لازمی بیمار ہوگی جس کا نام ’ش‘ سے شروع ہوگا، آسیبی اثرات پر نیا دعویٰ سامنے آگیا

پیر 2 فروری 2026
icon-facebook icon-twitter icon-whatsapp

خود کو روحانی شخصیت قرار دینے والے پیر یوسف گیلانی کے خواتین کے ناموں سے متعلق دیے گئے بیان نے سوشل میڈیا پر بحث چھیڑ دی ہے۔

ایک پوڈ کاسٹ میں پیر یوسف گیلانی نے دعویٰ کیا کہ جن لڑکیوں کے نام حرف ’ش‘ سے شروع ہوتے ہیں ان پر آسیبی اثرات ہوتے ہیں اور اگر ان کی عمر 30 سال سے زیادہ ہو جائے تو وہ بیمار ہو جائے گی کیونکہ ان ناموں پر اثرات عاشق ہیں۔

اس بیان کے بعد سوشل میڈیا صارفین میں مختلف آراء سامنے آئی ہیں۔ کئی صارفین نے اس بیان کو توہم پرستی پر مبنی قرار دیا جبکہ کچھ صارفین نے اس کا مذاق اڑاتے ہوئے ردعمل دیا۔

سوشل میڈیا صارف سحرش نے طنزیہ انداز میں سوال کیا ’پیر صاحب جس لڑکی کا نام ش سے ختم ہوتا ہے، وہ تو بچ جائے گی نا‘؟

ایک صارف نے کہا کہ میری پھوپھو کا نام ش سے شروع ہوتا ہے اور ان کی عمر 60 سال سے زیادہ ہے وہ تو 30 سال کی عمر کے بعد بیمار نہیں ہوئیں تھیں۔

شہر بانو لکھتی ہیں کہ پیر صاحب نے تو ڈرا ہی دیا ہے کیونکہ ان کا نام بھی ’ش‘ سے شروع ہوتا ہے۔

کئی صارفین یہ سوال کرتے نظر آئے کہ یہ سہولت صرف پاکستانیوں کے لیے ہے یا غیر ملکی خواتین جن کے نام ’ش‘ سے شروع ہوتے ہیں وہ بھی بیمار ہو سکتی ہیں۔ جبکہ کئی لوگوں نے طنزاً کہا کہ کون سے حرف والی خواتین بیمار نہیں ہوں گی تاکہ نام رکھنے میں آسانی ہو۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

حبا بخاری کو تھپڑ کیوں مارا؟ صبا حمید کا حیران کن انکشاف

ایران، امریکا اور اسرائیل کشیدگی، آسیان کا فوری جنگ بندی کا مطالبہ

جیفرے ایپسٹین کے سائنسدانوں سے کس نوعیت کے تعلقات تھے؟ جاری دستاویزات میں نئے انکشافات

ایران حملوں میں امریکا کو پہلے 4 دنوں میں 2 ارب ڈالر کے فوجی نقصان کا سامنا

قطر ایئر ویز کی پروازیں کب بحال ہوں گی؟ کمپنی نے اعلان کردیا

ویڈیو

“قسطوں پر لیے گئے موٹرسائیکلوں پر ایم ٹیگ لگا نہیں رہے، پولیس چالان کرتی جا رہی ہے”

سوری کافی نہیں، سچی معافی کا صحیح طریقہ سیکھیں

فیلڈ مارشل اور شہباز شریف کی ایران امریکا مذاکرات کی کوشش، ٹرمپ کا دنیا کو دھوکا، پاکستان کے افغانستان پر فضائی حملے

کالم / تجزیہ

پاکستان کی طالبان مخالف پالیسی، امر اللہ صالح بھی تعریف پر مجبور

سعودی عرب اور ذمہ دار علاقائی سیاست

یہ دنیا اب ٹرمپ کی دنیا ہے