سینیٹ میں قائد حزب اختلاف علامہ راجا ناصر عباس نے کہا ہے کہ ہم حکومت کے ساتھ مذاکرات کے لیے تیار ہیں۔
وی نیوز سے گفتگو کرتے ہوئے انہوں نے کہاکہ ہم ملک میں آئین اور قانون کی بالادستی چاہتے ہیں، حکمران آئیں اس پر بات کریں۔
کے پی کی مشکلات کو حل کرنے کیلئے وزیراعلیٰ کا وزیراعظم سے ملنا بہت ضروری ہے تاکہ بحرانوں سے نکلا جاسکے ہم تیار ہیں، حکومت کو مذاکرات کے لیے “Welcome” ہے،بال ان کے کورٹ میں ہے آئیں بات چیت کری ، اپوزیشن لیڈر سینیٹ علامہ ناصر عباس pic.twitter.com/2j5U8uQluf
— WE News (@WENewsPk) February 2, 2026
انہوں نے کہاکہ خیبرپختونخوا کے مسائل کے حل کے لیے وزیراعلیٰ کا وزیراعظم سے ملاقات کرنا بہت ضروری ہے تاکہ صوبے کو درپیش بحرانوں سے نکلنے کا راستہ نکل سکے۔
علامہ ناصر عباس نے واضح کیاکہ اپوزیشن حکومت کو مذاکرات کے لیے خوش آمدید کہتی ہے اور بال اب حکومت کی کورٹ میں ہے کہ وہ بات چیت کے لیے آگے آئے۔
اپوزیشن لیڈر نے کہاکہ صوبے کے متعدد مسائل ہیں اور ان کے حل کے لیے وفاق کے سامنے معاملات رکھنا لازم ہے۔
انہوں نے مزید کہاکہ وزیراعظم پہلے ہی کہہ چکے ہیں کہ وہ مذاکرات کے لیے تیار ہیں، ہم تیار ہیں، اور پہل انہی کو کرنا ہوگی۔
