بھارت علاقے راجستھان کی 3 ماہ پہلے شادی شدہ 23 سالہ انجلی نے اپنے شوہر 27 سالہ اشیش کو قتل کر دیا، جس کے بعد یہ واقعہ ہنی مون مرڈر کے طور پر سامنے آیا ہے۔
بھارتی میڈیا کے مطابق، انجلی نے اپنے سابق بوائے فرینڈ سنجو اور اس کے 2 دوستوں کی مدد سے اشیش کو قتل کیا۔ انجلی نے پولیس کو دھوکا دینے کے لیے خود کو بے ہوش ظاہر کیا اور اپنی بالیاں سنجو کو دے دی۔
مزید پڑھیں: نقل یا اتفاق؟ نئے پاکستانی ڈرامہ ‘معصوم’ کے مناظر اور کہانی پر سوالات اٹھنے لگے
انجلی اور اشیش کے خاندان قریبی تعلقات رکھتے تھے اور شادی پر سب کچھ معمول کے مطابق لگ رہا تھا۔ تاہم، انجلی نے شادی کے بعد سنجو سے رابطہ دوبارہ قائم کر لیا، جو شادی کے کیٹرنگ فنکشنز میں ویٹر کے طور پر کام کرتا تھا۔
اشیش کے والد رام ریکھ نے کہا کہ ہم چاہتے ہیں کہ انجلی کو موت کی سزا دی جائے۔ اس نے اشیش کی زندگی تباہ کر دی اور ہمیں داغدار کر دیا۔ انجلی کے خاندان نے بھی کہا کہ وہ اس قتل سے شدید شرمندہ اور صدمے میں ہیں، اور وہ چاہتے ہیں کہ متعلقہ افراد کو سخت سزا دی جائے۔
مزید پڑھیں: بالوں کے بغیر بھی مکمل، دلہن کی خود اعتمادی نے مثال قائم کردی
پولیس کے مطابق سنجو اور اس کے دوست روہت (راکھی) اور بادل نے قتل میں مدد کی، اور یہ واقعہ جان بوجھ کر روڈ ایکسیڈنٹ کے طور پر پیش کیا گیا۔ یہ واقعہ دونوں خاندانوں اور علاقے میں صدمے اور غصے کا باعث بنا ہوا ہے۔
